2022: इंडियन इन्स्टिट्यूट ऑफ टेक्नॉलॉजी (IIT) खरगपूरच्या वतीने ग्रॅज्युएट अॅप्टिट्यूड टेस्ट इन इंजिनिअरिंग (GATE) २०२२ परीक्षा आयोजित केली जात आहे. गेट परीक्षेसाठी ३ जानेवारी २०२२ रोजी प्रवेशपत्र ( Admit Card 2022) जाहीर केले जाणार आहेत. या परीक्षेला बसलेल्या उमेदवारांना अधिकृत वेबसाइट gate.iitkgp.ac.in वर जाऊन प्रवेशपत्र डाउनलोड करता येणार आहे. प्रवेशपत्रावर उमेदवाराचे नाव, नोंदणी क्रमांक, जन्मतारीख, फोटो आणि सही, पेपर कोड, परीक्षा केंद्र कोड, परीक्षा केंद्राचे नाव आणि पत्ता, परीक्षेची तारीख आणि दिवस, परीक्षेची वेळ आणि परीक्षेसंबंधित महत्वाचे निर्देश देण्यात आले आहेत. गेट २०२२ परीक्षा ५ फेब्रुवारी ते १३ फेब्रुवारी २०२२ या कालावधीत घेतली जाईल. उमेदवारांनी परीक्षा केंद्रावर प्रवेशपत्र घेऊन येणे अनिवार्य आहे. यासोबतच उमेदवाराने एक ओळखपत्र देखील सोबत बाळगणे आवश्यक आहे. परीक्षेला बसलेल्या उमेदवारांनी वेबसाइटवरील सर्व सूचना काळजीपूर्वक वाचाव्या. उमेदवारांनी त्यांच्या पेपरशी संबंधित माहिती, पेपरच्या तारखा आणि इतर माहिती नीट तपासून घ्यावी. ते मागील वर्षांच्या नमुना पेपरमधून गेट परीक्षा २०२२ ची तयारी देखील करू शकतात. फेब्रुवारी २०२२ महिन्यातील चार तारखांना परीक्षा घेतली जाणार आहे. ४ फेब्रुवारी ते १३ फेब्रुवारी दरम्यान ही परीक्षा होणार आहे. त्यापैकी ४ फेब्रुवारी आणि ११ फेब्रुवारी या परीक्षेसंबंधित विविध कामांसाठी राखीव ठेवण्यात आल्या आहेत. १२ फेब्रुवारीला सकाळी ९ ते दुपारी १२ वाजेपर्यंत पहिल्या सत्रात CE-1, BT, PH आणि EY पेपर होणार आहे. यानंतर दुपारी २.३० ते ५.३० ला दुसऱ्या शिफ्टमध्ये CE-2, XE आणि XL चे पेपर होणार आहेत. वेळापत्रकाच्या शेवटच्या दिवशी १३ फेब्रुवारीला सकाळच्या शिफ्टमध्ये ME-1, PE आणि AR चे पेपर आणि दुपारच्या शिफ्टमध्ये ME-2, GE आणि AE होणार आहे. गेट प्रवेशपत्र २०२२ संबंधित महत्त्वाच्या तारखा गेट २०२२ प्रवेशपत्र जाहीर करण्याची तारीख - ३ जानेवारी २०२२ गेट २०२२ परीक्षेची तारीख - ५,६,१२ आणि १३ फेब्रुवारी २०२२ गेट २०२२ चा निकाल जाहीर करण्याची तारीख - १७ मार्च २०२२ गेट प्रवेशपत्र २०२२ मध्ये काही चूक आढळल्यास त्वरित कार्यालयाला कळविण्याचे आवाहन करण्यात आले आहे. प्रवेशपत्रातील चूक दुरुस्त करण्यासाठी गेट परीक्षा आयोजित करणार्या संस्थेकडे प्रतीसह (ईमेलद्वारे) विभागीय गेट २०२२ कार्यालयाशी संपर्क साधावा. ईमेलच्या विषयामध्ये ओळीत 'अॅडमिट कार्ड करेक्शन' असे लिहावे. उमेदवारांनी प्रवेशपत्रावर योग्य माहिती भरावी. ज्यामुळे त्यांना अचूक प्रवेशपत्र मिळू शकेल.
from Career News in Marathi: Career News, मराठी Career बातम्या | Maharashtra Times https://ift.tt/3mB2G8g
Comments
Post a Comment