चीफ जस्टीसना मिळतो पंतप्रधानांपेक्षा जास्त पगार, सुप्रीम आणि हायकोर्टच्या न्यायाधीशांचा पगार जाणून घ्या

नवी दिल्ली: देश चालवताना कायदेमंडळ, न्यायपालिका आणि कार्यपालिका या तीन व्यवस्था काम करीत असतात. विधीमंडळ सामान्य जनतेनुसार कायदे बनवते. सरकारची धोरणे आणि कार्यक्रम राबविण्याचे काम कार्यपालिका करते. तर न्यायपालिकेमध्ये कायद्याची व्याख्या आणि न्याय दानाचे काम होते. न्यायव्यवस्थेचे प्रमुख हे चीफ जस्टीस (Chief Justice of India)असतात. संपूर्ण देशातील कायदा व सुव्यवस्था राखताना न्याय देण्याची मोठी जबाबदारी त्यांच्यावर आहे. चीफ जस्टीसना किती पगार मिळतो? याबद्दल तुम्हाला माहिती आहे का? सर्वोच्च न्यायालयाचे न्यायाधीश आणि उच्च न्यायालयाचे मुख्य न्यायाधीश आणि इतर न्यायाधीशांना किती पगार आणि इतर कोणत्या सुविधा मिळतात याची माहिती आपण घेऊया. चीफ जस्टिस पगार भारताच्या सरन्यायाधीशांचा पगार देशाच्या पंतप्रधानांपेक्षा जास्त आहे. CJI यांना महिन्याला २ लाख ८० हजार रुपये इतका पगार मिळतो. हा पगार देशाचे राष्ट्रपती, उपराष्ट्रपती आणि राज्यपाल यांच्यानंतर सर्वाधिक आहे. याशिवाय, त्यांना पाहुण्यांचे आदरतिथ्य करण्यासाठी सरकारकडून दरमहा ४५ हजार रुपये आदरातिथ्य भत्ता देखील मिळतो. इतर सुविधा आणि पेन्शन सर्वोच्च न्यायालयाच्या सरन्यायाधीशांना वेतनाव्यतिरिक्त अनेक सुविधाही मिळतात. सरन्यायाधीशांना राहण्यासाठी आलिशान निवासस्थान दिले जाते. याशिवाय त्यांना कार, कर्मचारी, सुरक्षा कर्मचारी आणि वीज आणि फोन खर्चासह इतर सुविधाही दिल्या जातात. निवृत्तीनंतर त्यांना वार्षिक१६ लाख ८० हजार रुपये पेन्शन मिळते.चीफ जस्टिस यांना न्यायालयात न्यायाधीश आणि कर्मचारी नियुक्त करण्याचा अधिकार आहे. उच्च न्यायालय आणि सर्वोच्च न्यायालयाच्या न्यायाधीशांची नियुक्ती चीफ जस्टिस यांच्या सल्ल्यानंतरच केली जाते. सर्वोच्च न्यायालयाच्या न्यायाधीशांचा पगार सरन्यायाधीशांशिवाय सर्वोच्च न्यायालयात अनेक न्यायाधीश आहेत. त्यांचा पगार चीफ जस्टिस यांच्यापेक्षा थोडा कमी आहे. सर्वोच्च न्यायालयाच्या सर्व न्यायाधीशांना दरमहा २ लाख ५० हजार रुपये वेतन मिळते. तदरमहा ३४ हजार रुपये आदरातिथ्य भत्ता दिला जातो. यासोबतच त्यांना अनेक सुविधाही मिळतात. मोठे निवास व्यवस्था, सुरक्षा, कार, कर्मचारी, बिल भरणे आदी सुविधा दिल्या जातात. निवृत्तीनंतर त्यांना वार्षिक १५ लाख रुपये पेन्शन दिली जाते. सर्वोच्च न्यायालयात न्यायाधीशांची थेट भरती होत नाही. येथे केवळ उच्च न्यायालयाचे न्यायाधीश किंवा ज्येष्ठ वकील यांनाच नोकरी मिळू शकते. हे देशातील प्रीमियम सरकारी नोकऱ्यांच्या यादीमध्ये येते. उच्च न्यायालयाच्या मुख्य न्यायाधीशांचा पगार देशातील सर्व राज्यांमध्ये उच्च न्यायालये आहेत. या सर्वांमध्ये एक सरन्यायाधीश आणि अनेक सहायक न्यायाधीश आहेत. उच्च न्यायालयाच्या मुख्य न्यायमूर्तींना दरमहा २ लाख ५० हजार रुपये वेतन मिळते. जे सर्वोच्च न्यायालयाच्या न्यायाधीशांच्या बरोबरीचे आहे. याशिवाय त्यांना आदरातिथ्य भत्ता म्हणून दरमहा ३४,००० रुपये मिळतात. याशिवाय त्यांना मोठी निवास व्यवस्था, कार, सुरक्षा कर्मचारी, बिल भरण्याची सुविधाही दिली जाते. निवृत्तीनंतर त्यांना वार्षिक १५ लाख रुपये पेन्शन दिली जाते. उच्च न्यायालयाच्या न्यायाधीशांचा पगार उच्च न्यायालयाच्या न्यायाधीशांना दरमहा २ लाख २५ हजार रुपये वेतन दिले जाते. याशिवाय त्यांना आदरातिथ्य भत्ताही मिळतो. या भत्त्यापोटी त्यांना दरमहा २७ हजार रुपये मिळतात. दुसरीकडे, इतर सुविधांच्या स्वरूपात निवास, कार, सुरक्षा कर्मचारी, कर्मचारी आणि बिल भरणे आदी सुविधा दिल्या जातात. निवृत्तीनंतर त्यांना १३ लाख ५० हजार रुपये वार्षिक पेन्शन दिली जाते.

from Career News in Marathi: Career News, मराठी Career बातम्या | Maharashtra Times https://ift.tt/3EtQIU5