Railtel : भारतीय रेल्वेची कंपनी रेलटेल कॉर्पोरेशन ऑफ इंडिया लिमिटेड (Railtel Corporation of India Limited) मध्ये विविध पदांची भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. रेलटेल कॉर्पोरेशन ऑफ इंडिया लिमिटेड अंतर्गत एकूण ६९ रिक्त जागा भरल्या जाणार आहेत. इच्छुक आणि पात्र उमेदवार अधिकृत वेबसाइट Railtelindia.com वर अर्ज करू शकतात. याची अर्ज प्रक्रिया २३ फेब्रुवारी रोजी रात्री ११ वाजून ५९ मिनिटांनी समाप्त होईल. परीक्षा आणि मुलाखतीच्या आधारे उमेदवारांची निवड केली जाणार आहे. भर्ती परीक्षा २०२२ ऑनलाइन पद्धतीने घेतली जाणार आहे. यामध्ये एकूण १५० गुणांसाठी बहुपर्यायी प्रश्न असतील. परीक्षेत पात्र ठरलेल्या उमेदवारांना मुलाखतीसाठी निवडले जाईल. मुलाखतीसाठी ५० गुण असतील. ऑनलाइन चाचणी आणि मुलाखतीत किमान ६० टक्के गुण मिळवलेले विद्यार्थी यासाठी पात्र मानले जातील. 2022: असा करा अर्ज अधिकृत वेबसाइट railtelindia.com वर जा. होमपेजवरील 'करीअर' सेक्शनवर क्लिक करा. एक नवीन पेज उघडेल. आता येथे 'करंट जॉब ओपनिंग्स' टॅबवर क्लिक करा. RailTel Corporation च्या टेक्निकल/मार्केटींग/फायनान्स/लिगल डिपार्टमेंट ऑफ रेलटेल कॉर्पोरेशन (SC/ST/OBC च्या बॅकलॉग रिक्त पदांसह) या लिंकवर क्लिक करा. नवीन विंडो उघडेल. तुमच्या क्रेडेन्शियल्ससह लॉगिन करा. फॉर्म (Railtel Recruitment 2022 application form) स्क्रीनवर येईल. तपशील भरा आणि कागदपत्रे अपलोड करा. फॉर्म सबमिट करा आणि त्याची प्रिंटआउट तुमच्याकडे ठेवा. पात्रता या पदासाठी अर्ज करणाऱ्या उमेदवाराकडे कोणत्याही विद्यापीठातून पदवी आणि पदव्युत्तर किंवा समकक्ष प्रमाणपत्र असणे आवश्यक आहे. अर्जदाराचे वय २१ ते ३४ वर्षांच्या दरम्यान असावे. राखीव प्रवर्गातील उमेदवारांना सरकारने ठरवून दिलेल्या निकषांनुसार सवलत मिळेल. याचे शुल्क तपशील अधिकृत वेबसाइटवर उपलब्ध आहेत. डेप्युटी मॅनेजर, मॅनेजर, सीनियर मॅनेजर पदासाठी निवड झालेल्या उमेदवारांना मासिक वेतन ४० हजार ते १ लाख ८० हजार दरम्यान मिळणार आहे. अर्ज प्रक्रिया सर्वप्रथम, तुम्हाला रेलटेलच्या अधिकृत वेबसाइटला भेट देऊन अर्ज करावा लागेल. निवड प्रक्रिया लेखी परीक्षा आणि मुलाखतीवर आधारित असेल. प्रवेशपत्र आणि परीक्षेचा निकाल वेबसाइटवर उपलब्ध असेल. सध्या परीक्षेची तारीख जाहीर झालेली नाही. १५ जानेवारीपासून अर्ज भरण्याची प्रक्रिया सुरू झाली आहे. २३ फेब्रुवारी ही अर्ज करण्याची अंतिम तारीख आहे. अर्ज फक्त ऑनलाइन पद्धतीने स्वीकारले जाणार आहेत.
from Career News in Marathi: Career News, मराठी Career बातम्या | Maharashtra Times https://ift.tt/3FxTXud
Comments
Post a Comment