2022: देशभरातील कोरोना रुग्णसंख्येमध्ये काही प्रमाणात घट झाली आहे. गेल्या २४ तासांत २.५१ लाख नवीन रुग्ण आढळले आहेत. या पार्श्वभूमीवर बिहार, मध्य प्रदेश अशा काही राज्यांनी फेब्रुवारीमध्ये बोर्ड परीक्षा घेण्याची घोषणा केली आहे. करोना प्रोटोकॉलचे काटेकोरपणे पालन करून फेब्रुवारीपासून दहावी आणि बारावीच्या परीक्षा घेतल्या जाणार आहेत. तर दुसरीकडे सीबीएसई आणि सीआयएससीई सारख्या बोर्डांनी टर्म २ परीक्षेच्या तारखा अद्याप घोषित केल्या नाहीत. बिहारमध्ये १ फेब्रुवारीपासून बोर्डाच्या परीक्षा सुरू होणार आहेत तर मध्य प्रदेशमध्ये बारावी बोर्डाच्या परीक्षा १७ फेब्रुवारीपासून सुरू होणार आहेत. बिहार शाळा परीक्षा मंडळाने (BSEB) इयत्ता दहावी मॅट्रिक किंवा इयत्ता बारावी किंवा इंटरमिजिएटच्या अंतिम परीक्षेच्या तारखा जाहीर केल्या आहेत. बिहार बोर्ड मॅट्रिकची परीक्षा १७ फेब्रुवारीपासून सुरू होईल आणि २४ फेब्रुवारीला संपेल. तर बीएसईबी इंटरमिजिएटच्या परीक्षा १ फेब्रुवारीपासून सुरू होतील आणि १४ फेब्रुवारी रोजी संपतील. बिहार बोर्डाने (BSEB) अधिकृत वेबसाइट biharboardonline.bihar.gov.in वर दहावी आणि बारावी परीक्षांसाठी प्रवेशपत्रे देखील जारी केली आहेत. मध्य प्रदेश बोर्ड (MPBSE) ने दहावी आणि बारावी बोर्ड परीक्षा २०२२ च्या तारखा देखील जाहीर केल्या आहेत. वेळापत्रकानुसार दहावीची परीक्षा १८ फेब्रुवारीपासून तर १२वीची परीक्षा १७ फेब्रुवारीपासून सुरू होणार आहे. त्याचबरोबर एमपी बोर्ड परीक्षेचे प्रवेशपत्र जारी करण्यात आले आहे. हॉल तिकीट अधिकृत वेबसाइट- mpbse.mponline.gov.in वर प्रसिद्ध करण्यात आले आहेत. मिझोराम शालेय शिक्षण मंडळाने Mizoram Board of School Education, MBSE) हायस्कूल लिव्हींग सर्टिफिकेट एक्झामिनेशन (इयत्ता दहावी) आणि हायर सेकेंडरी स्कूल लिव्हींग सर्टिफिकेट एक्झामिनेशन (इयत्ता बारावी) अंतिम परीक्षांच्या तारखा जाहीर केल्या आहेत. मीडिया रिपोर्ट्सनुसार, दहावीची परीक्षा २८ फेब्रुवारीपासून सुरू होईल आणि १६ मार्चला संपेल. तर बारावीच्या परीक्षा १ मार्चपासून सुरू होणार होऊन २५ मार्च रोजी संपणार आहेत.
from Career News in Marathi: Career News, मराठी Career बातम्या | Maharashtra Times https://bit.ly/3o8yylM
Comments
Post a Comment