CISF : केंद्रीय सुरक्षा दलात नोकरी मिळवण्यासाठी बारावी उत्तीर्ण उमेदवारांसाठी एक उत्तम संधी चालून आली आहे. सेंट्रल इंडस्ट्रियल सिक्युरिटी फोर्स (CISF) द्वारे कॉन्स्टेबल पदासाठी बंपर रिक्त जागा जाहीर करण्यात आल्या आहेत. या रिक्त पदांद्वारे एकूण ११४९ पदांची भरती केली जाणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे. यासाठी उमेदवारांकडून ऑनलाइन माध्यमातून अर्ज मागविण्यात आले आहेत. केंद्रीय औद्योगिक सुरक्षा दलातील भरतीसाठी जाहीर झालेल्या या रिक्त पदासाठी अर्ज करण्याची प्रक्रिया २९ जानेवारी २०२१ पासून सुरू झाली आहे. सीआयएसएफ कॉन्स्टेबल किंवा फायरमन (पुरुष) भरती २०२२ साठी ऑनलाइन अर्ज मागविण्यात येत आहेत. या भरतीसाठी सर्व पात्रता आणि पात्रता असलेले उमेदवार ४ मार्च २०२२ पर्यंत अधिकृत वेबसाइटद्वारे अर्ज करू शकतात. या रिक्त पदांद्वारे (CISF Constable Recruitment 2022) देशातील विविध राज्यांमध्ये भरती केली जात आहे. असा करा अर्ज अर्ज करण्यासाठी सर्वप्रथम अधिकृत वेबसाइट- cisfrectt.in वर जा. वेबसाइटच्या होमपेजवर दिलेल्या NOTICE BOARD पर्यायावर जा. कॉन्स्टेबल-फायर २०२१ साठी अर्ज पोर्टलच्या लिंकवर जा. आता Apply Online च्या लिंकवर क्लिक करा. मागितलेले तपशील भरून नोंदणी प्रक्रिया पूर्ण करा. नोंदणी केल्यानंतर तुम्ही अर्ज भरू शकता. अर्ज पूर्ण केल्यानंतर त्याची प्रिंट काढा. पात्रता आणि वयोमर्यादा या पदांवर अर्ज करू इच्छिणाऱ्या उमेदवारांकडे मान्यताप्राप्त शिक्षण संस्थेतील बारावी सायन्समधील शिक्षण पूर्ण असावे. CISF कॉन्स्टेबल पदासाठी अर्ज करणाऱ्या उमेदवारांचे किमान वय १८ वर्षे आणि २३ वर्षांपेक्षा जास्त नसावे. उमेदवारांची उंची १७० सेमी आणि छाती ८० ते ८५ सेमी असावी. रिक्त जागांचा तपशील सीआयएसएफमध्ये कॉन्स्टेबल किंवा फायरमनच्या एकूण ११४९ जागा भरण्यात येत आहेत. यामध्ये सर्वसाधारण प्रवर्गासाठी ४८९ जागा निश्चित करण्यात आल्या आहेत. ओबीसीसाठी २४९ जागा, ईडब्ल्यूएससाठी ११३ जागा, एससीसाठी १६१ जागा आणि एसटी प्रवर्गातील उमेदवारांसाठी १३७ जागा भरल्या जाणार आहेत. अशी होईल निवड शारीरिक कार्यक्षमता चाचणी (PET) आणि शारीरिक मानक चाचणी (PST), लेखी परीक्षा आणि कागदपत्र पडताळणीनंतर या रिक्त पदांसाठी उमेदवारांची निवड केली जाईल. शेवटी, वैद्यकीय तपासणी केली जाईल. या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात आली आहे. याचा सविस्तर तपशील नोटिफिकेशनमध्ये देण्यात आला आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
from Career News in Marathi: Career News, मराठी Career बातम्या | Maharashtra Times https://ift.tt/5LXQZvwn7
Comments
Post a Comment