वृत्तसंस्था, नवी दिल्ली '' या चित्रपटातील रांचोची शाळा म्हणून प्रसिद्ध झालेल्या लडाखमधील ड्रुक पद्म कार्पो शाळेला तब्बल दोन दशकांपासून प्रतीक्षा असलेली सीबीएसईची संलग्नता यंदा मिळण्याची चिन्हे आहेत. जम्मू-काश्मीर शिक्षण मंडळाने अखेर त्यासाठी हिरवा कंदील दाखवला आहे. नियमानुसार, सेंट्रल बोर्ड ऑफ सेकंडरी एज्युकेशन (सीबीएसई)ची संलग्नता हवी असल्यास शाळांना त्या राज्याच्या शिक्षण मंडळाकडून ना हरकत प्रमाणपत्र (एनओसी) घेणे आवश्यक आहे. सध्या ही शाळा जम्मू-काश्मीर राज्य शिक्षण मंडळाशी संलग्न आहे. 'आमच्या शाळेला सीबीएसईची संलग्नता मिळावी, यासाठी आम्ही कित्येक वर्षांपासून प्रयत्न करत होतो. आमच्याकडे अत्यावश्यक अशी पायाभूत सुविधा आहे. आमचा निकाल उत्तम लागतो. तसेच, आम्ही शिक्षण देताना नावीन्यपूर्ण प्रयोग राबवत असलो, तरी आम्हाला जम्मू आणि काश्मीर मंडळाकडून एनओसी मिळत नव्हती,' असे शाळेच्या मुख्याध्यापिका मिंगूर आग्मा यांनी सांगितले. अखेर या महिन्यात शाळेला एनओसी मिळाली असून संलग्नतेसंदर्भातील पुढील प्रक्रिया लवकरच पूर्ण केली जाणार आहे. त्यामुळे यंदाच्या वर्षी ही संलग्नता मिळेल, अशी आशा मुख्याध्यापकांनी व्यक्त केली. लडाखला केंद्रशासित प्रदेशाचा दर्जा मिळण्याआधीपासूनच ही शाळा 'ना हरकत' प्रमाणपत्र मिळविण्याच्या प्रयत्नांत आहे. लडाख हा जम्मू आणि काश्मीरपासून वेगळा झाल्यानंतरही ही शाळा तेथील शिक्षण मंडळाशी संलग्न होती.
from Career News in Marathi: Career News, मराठी Career बातम्या | Maharashtra Times https://ift.tt/3tSIwLr
Comments
Post a Comment