2022: २०२१ मध्ये झालेल्या नीट यूजी परीक्षेनंतर केंद्रीय संस्था तसेच ऑल इंडिया कोट्यातील जागांसाठी काऊन्सेलिंग आणि प्रवेश प्रक्रिया अद्याप पूर्ण झाली नाही. पण २०२२ मध्ये परीक्षेची अर्ज प्रक्रिया आणि वेळापत्रकास उशीर होण्याची शक्यता कमी आहे. विविध मीडिया रिपोर्ट्सनुसार, नॅशनल टेस्टिंग एजन्सी (NTA) द्वारे नॅशनल एलिजिबिलिटी कम एन्ट्रन्स टेस्ट (UG) २०२२ मार्च किंवा एप्रिल महिन्यात आयोजित केली जाऊ शकते. असे असले तरी एनटीएच्या अधिकृत वेबसाइटवर यासंदर्भात अद्याप अधिकृत अपडेट देण्यात आली नाही. नीट यूजी २०२२ () ची तयारी करणारे उमेदवार परीक्षेच्या अधिकृत वेबसाइट neet.nta.nic.in वर अपडेट पाहू शकतात. अर्ज प्रक्रिया NTA द्वारे प्रवेश परीक्षेसाठी अर्ज करण्याच्या प्रक्रियेसाठी फेब्रुवारी महिन्यात नोटिफिकेशन जाहीर होऊ शकते. अर्ज प्रक्रियेसाठी उमेदवारांना परीक्षा पोर्टलवर लॉगिन करावे लागेल. वेबसाइटवर जाऊन नीट यूजी २०२२ चा अर्ज भरता येईल. देशभरातील संस्थांमधील पदवीपूर्व स्तरावरील वैद्यकीय अभ्यासक्रम एमबीबीएस, बीडीएस आणि इतर प्रवेशात उमेदवारांची निवड करण्यासाठी नीट यूजी प्रवेश परीक्षा घेतली जाते. प्रवेश परीक्षेला बसण्यासाठी उमेदवारांनी फिजिक्स, केमिस्ट्री आणि बायोलॉजी विषयांसह बारावी उत्तीर्ण असणे आवश्यक आहे. दुसरीकडे सीबीएसई आणि आयसीएसई या केंद्रीय बोर्डांकडून बारावी टर्म २ परीक्षा मार्चमध्ये घेतली जाण्याची शक्यता आहे. दोन्ही बोर्डांद्वारे अद्याप वेळापत्रक जाहीर करण्यात आले नाही. देशभरातील विद्यार्थी सीबीएसई टर्म १ च्या निकालाची तसेच टर्म २ परीक्षेच्या वेळापत्रकाची वाट पाहत आहेत.
from Career News in Marathi: Career News, मराठी Career बातम्या | Maharashtra Times https://ift.tt/Ej405Nnx3
Comments
Post a Comment