Guidance: राज्य शैक्षणिक संशोधन व प्रशिक्षण परिषदेतर्फे नववी ते बारावीच्या विद्यार्थ्यांसाठी 'भावी करिअरच्या दिशा' हे करिअर मार्गदर्शन वेबिनार आयोजित करण्यात आले होते. समुपदेशक डॉ.मंगल संजय शिंदे यांनी विद्यार्थ्यांना वेबिनारच्या माध्यमातून मार्गदर्शन केले. यातून विद्यार्थ्यांना करिअर पर्यांयाची माहीती आणि करिअर कसे निवडावे याची माहिती देण्यात आली. १४ जानेवारी व्यवसाय मार्गदर्शन दिनानिमित्त या वेबिनार मालिकेचे आयोजन करण्यात आले होते. करिअर ही दीर्घकाळ चालणारी प्रक्रिया आहे. दहा वर्षाच्या शालेय शिक्षणात स्वत:चे निरिक्षण करुन विद्यार्थी स्वत:ची करिअर निवड करु शकतात.आवड, छंद आणि प्राविण्य ही करिअर निवडण्याची त्रिसुत्री असल्याचे डॉ. मंगल शिंदे यांनी यावेळी सांगितले. कोणत्या शालेय विषयांची आवड आहे, आपण त्यातले कोणते छंद जोपासले आणि कोणत्या विषयात आपण प्राविण्य मिळविले का? या सर्वाचा विचार करुन आपण कोण आहोत? आपण कशात करिअर करु शकतो हे निवडता येऊ शकेल असे त्यांनी विद्यार्थ्यांना सांगितले. कोणत्या पद्धतीने करिअर निवडायचे आणि आणि करिअरचे कोणते पर्याय विद्यार्थ्यांसमोर आहेत याबद्दल माहिती देण्यात आली. दहावी आणि बारावीनंतर कोणते अभ्यासक्रम असतात याची सविस्तर माहिती देण्यात आली. विद्यार्थ्यांनी आपली आवड आणि छंद काय आहेत? याचा विचार करुन यातील पर्याय निवडायचे आहेत असे आवाहन त्यांनी केले. हे विविध करिअरचे पर्याय निवडताना भाषिक क्षमता, नियोजन क्षमता, निर्णय क्षमता, संघटन क्षमता, शारीरिक क्षमता, नेतृत्व क्षमता, गती व अचूकता, अमूर्त विचार क्षमता या गोष्टी महत्वाच्या असल्याचे डॉ. मंगल शिंदे यावेळी म्हणाल्या.
from Career News in Marathi: Career News, मराठी Career बातम्या | Maharashtra Times https://ift.tt/3Gs7ViA
Comments
Post a Comment