NIOS : एनआयओएस (NIOS)पब्लिक एक्झाम (NIOS Public Exam 2022) एप्रिल-मे २०२२ मध्ये घेतल्या जाणार आहेत. नॅशनल इन्स्टिट्यूट ऑफ ओपन स्कूलिंग (NIOS) द्वारे घेण्यात येणार्या सिनीअर आणि सिनीअर सेकेंडरी वर्गांसाठी थ्योअरी परीक्षा ६ एप्रिल २०२२ पासून सुरू होण्याची शक्यता आहे. एनआयओएसने ट्विट करून यासंदर्भात माहिती दिली आहे. एप्रिल २०२२ साठी सिनीअर आणि सिनीअर सेकेंडरी अभ्यासक्रमांसाठी पुढील NIOS पब्लिक (थ्योअरी) परीक्षा ६ एप्रिल २०२२ पासून सुरू होण्याची शक्यता आहे. या परीक्षेच्या परीक्षा केंद्रांसाठी अधिकृत वेबसाइट https://ift.tt/3fhQZj5 द्वारे एनआयओएस ऑनलाइन अर्ज करता येणार आहेत. या परीक्षा केंद्रीय विद्यालये, नवोदय विद्यालये आणि सीबीएसई/राज्य मंडळांशी संलग्न सरकारी/खासगी शाळांसह एनआयओएस मान्यताप्राप्त संस्थांमध्ये घेतल्या जाणार आहेत. अधिकृत नोटिफिकेशननुसार, संस्थेने शाळांच्या मुख्याध्यापकांना एनआयओएसच्या वेबसाइटवर परीक्षा केंद्रांसाठी ऑनलाइन अर्ज करण्यास सांगितले आहे. परीक्षा केंद्र नोंदणीसाठी पोर्टलवर लिंक अॅक्टीव्ह करण्यात आली आहे. त्याचबरोबर परीक्षा केंद्र बनण्याचे निकषही वेबसाइटवर उपलब्ध आहेत. तसेच शाळा केंद्र होण्यासंदर्भातील महत्वाचे निर्देशही वेबसाइटवर पाहता येणार आहेत. संस्थेने प्रादेशिक संचालकांना केव्हीएस/एनव्हीएस/एआयच्या मुख्याध्यापकांना ऑनलाइन पद्धतीने परीक्षा केंद्रांसाठी अर्ज करण्यास सांगितले आहे. यासोबतच संचालकांनी प्रादेशिक केंद्रांच्या वेबसाइटवर नोटिफिकेशन पोर्टलवर अपलोड करुन जाहीर करण्यास सांगितले आहे. NIOS पब्लिक सार्वजनिक परीक्षांसाठी नोंदणी प्रक्रिया १ जानेवारीपासून सुरू झाली आहे. तर अर्ज उमेदवारांना ३१ जानेवारी २०२२ पर्यंत अर्ज करता येणार आहे. विद्यार्थ्यांना एनआयओएस पब्लिक एक्झाम संबंधित अधिक माहिती अधिकृत वेबसाइटवर मिळणार आहे.
from Career News in Marathi: Career News, मराठी Career बातम्या | Maharashtra Times https://ift.tt/3HY0yzO
Comments
Post a Comment