VJ Promoters

संरचनात्मक तपासणीच्या सूचनांकडेही दुर्लक्ष; डॉक्टर, अभियंत्यांच्या कुटुंबांचे जीव मुठीत धरून वास्तव्य प्रसाद रावकर मुंबई : संरचनात्मक तपासणीअंती धोकादायक जाहीर झालेली इमारत रिकामी करण्यास रहिवासी तयार नसल्यामुळे पालिका तत्परतेने वीज आणि पाणीपुरवठा खंडित करते. मात्र वरळी परिसरातील समुद्रकिनाऱ्याजवळ उभ्या असलेल्या पालिकेच्याच दोन धोकादायक इमारती मात्र दुर्लक्षित असून या इमारतींमध्ये आजही डॉक्टर आणि अभियंते वास्तव्यास आहेत. दस्तुरखुद्द पालिका आयुक्तांनी ३० वर्षे जुन्या इमारतींची संरचनात्मक तपासणी करण्याची सूचना दिली असतानाही या दोन्ही इमारतींच्या संरचनात्मक तपासणीकडे दुर्लक्ष झाले आहे. त्यामुळे या इमारती दुरुस्तीयोग्य आहेत की त्यांचा पुनर्विकास करावा लागणार याबाबतही संभ्रम आहे. वरळी परिसरातील नारायण पुजारी नगर येथील ए. जी. खान मार्गावरील ३५८ टेनामेन्टमध्ये समुद्रकिनाऱ्याजवळच ‘एन १’ आणि ‘एन २’ या चारमजली दोन इमारती उभ्या आहेत. सेवा निवासस्थान म्हणून बांधण्यात आलेल्या या इमारतींमध्ये पालिकेतील वरिष्ठ अधिकारी वास्तव्यास आहेत. यात काही डॉक्टर आणि अभियंत्यांचा समावेश आहे. गेल्या काही वर्षां...

GATE Registration 2022: गेट 2022 परीक्षेसाठी ज्या उमेदवारांनी अद्याप अर्ज केलेला नाही, त्यांच्यासाठी महत्त्वाची बातमी आहे. ग्रॅज्युएट अॅप्टिट्यूड टेस्ट इन इंजिनीअरिंग (GATE) 2022 म्हणजेच गेट 2022 परीक्षा आयोजित करणारी संस्था आयआयटी खरगपूरद्वारे रजिस्ट्रेशनची अंतिम तारीख पुन्हा एकदा वाढवण्यात आली आहे. उमेदवार आता गेट परीक्षेसाठी गुरुवार ३० सप्टेंबर २०२१ पर्यंत विना विलंब शुल्क नोंदणी करू शकतात. यापूर्वी गेट परीक्षेसाठी विना विलंबशुल्क अर्ज करण्याची मुदत एकदा वाढवण्यात आली होती. म्हणजेच, २४ सप्टेंबर २०२१ रोजी संपणारी मुदत वाढवून २८ सप्टेंबर करण्यात आली होती. उमेदवारांनी हे ध्यानात घ्यावे की विलंब शुल्कासह परीक्षेसाठी अर्ज करण्याची मुदत १ ऑक्टोबर २०२१ पर्यंत आहे. अर्जात दुरुस्ती करण्याची मुदत १ नोव्हेंबर पर्यंत दूसरीकडे, आयआयटी खरगपूर ग्रॅज्युएट अॅप्टिट्यूड टेस्ट इन इंजिनीअरिंग (GATE) 2022 साठी अर्ज करणाऱ्या उमेदवारांच्या अर्जात दुरुस्ती करण्यासाठी २६ ऑक्टोबर २०२१ रोजी सूचना जारी करणार आहे. गेट 2022 अर्जातील दुरुस्तीसाठी अॅप्लिकेशन करेक्शन विंडो १ नोव्हेंबर २०२१ पर्यंत खुली राहील. यानं...

Date and Time: केंद्रीय माध्यमिक शिक्षण मंडळातर्फे (CBSE) बारावीच्या विशेष परीक्षेचा निकाल ३० सप्टेंबर २०२१ रोजी जाहीर करण्यात येणार आहे. अधिकृत वेबसाइटवर निकाल जाहीर करण्यात येईल. सीबीएसईने सर्वोच्च न्यायालयाला दिलेल्या प्रतिज्ञापत्रात ही माहिती देण्यात आली. बारावी खासगी विद्यार्थी आणि विशेष परीक्षेचा निकाल ३० सप्टेंबर २०२१ रोजी जाहीर होणार आहे. ऑगस्ट-सप्टेंबरमधील विशेष परीक्षेत सहभागी झालेले झालेले विद्यार्थी अधिकृत वेबसाइटवर cbse.gov.in वर जाऊन निकाल तपासू शकतात. बारावी सीबीएसई सुधार परीक्षा २५ ऑगस्ट ते १५ सप्टेंबर दरम्यान घेण्यात आली. बोर्डातर्फे लवकरच दहावीच्या विशेष परीक्षेच्या निकालाची तारीख जाहीर करण्यात येणार आहे. विद्यार्थी त्यांच्या रोल नंबर आणि जन्मतारखेच्या मदतीने त्यांचा निकाल तपासू शकतात. सीबीएसई बोर्डाच्या परीक्षांसाठी यावर्षी साधारण ३५ लाख विद्यार्थ्यांनी नोंदणी केली होती. करोना प्रादुर्भावाच्या साथीमुळे परीक्षा रद्द करण्यात आली आणि अंतर्गत मूल्यांकन धोरणाच्या आधारे निकालाची घोषणा करण्यात आली. एकूण नोंदणीकृत विद्यार्थ्यांपैकी ३० टक्के विद्यार्थी यावर्षी विशेष ऑफलाइन...

AAO Result 2021: भारतीय जीवन निगम (LIC of India) AAO आणि AE/AA प्रारंभिक परीक्षांचे निकाल जाहीर करण्यात आले आहेत. एलआयसीच्या या परीक्षांना बसलेले उमेदवार अधिकृत वेबसाइटवर जाऊन आपला निकाल तपासू शकतात. प्रारंभिक परीक्षेत यशस्वी झालेल्या उमेदवारांची यादी वेबसाइटवर जाहीर करण्यात आली आहे. उमेदवार रोल नंबर आणि नावानुसार निकाल तपासू शकतात. प्रारंभिक परीक्षा २८ ऑगस्ट २०२१ रोजी घेण्यात आली होती. LIC 2021: असा तपासा निकाल एलआयसीची अधिकृ वेबसाइट licindia.in ला भेट द्या. होमपेजपर उपलब्ध करियर लिंकवर क्लिक करा. आता एक नवीन पेज खुले होईल. संबंधित रिक्रूटमेंट लिंकवर क्लिक करा. आता प्रारंभिक परीक्षा रिझल्ट लिंकवर क्लिक करा. पुन्हा एक नवीन पेज खुले होईल. संबंधित परीक्षा आणि स्ट्रीमनुसार लिंकवर क्लिक करा. तुमचा रोल नंबर आणि नावानुसार निकाल तपासू शकता. निकाल डाऊनलोड करा आणि भविष्यातील उपयोगासाठी प्रिंट काढा. यशस्वी उमेदवारांसाठी फेज २ परीक्षा प्रारंभिक परीक्षेत यशस्वी झालेले उमेदवार आता फेज २ म्हणजे मुख्य परीक्षेत सहभागी होऊ शकतात. निगमतर्फे अद्याप तारखेची घोषणा करण्यात आली नाही. अधिकृत वेबसाइटवर य...

UG 2021: राष्ट्रीय परीक्षा एजन्सीने (NTA)द्वारे १२ सप्टेंबर २०२१ रोजी नियोजित राष्ट्रीय पात्रता परीक्षा (अंडर ग्रॅज्युएट) म्हणजेच नीट यूजी २०२१ रद्द करुन पुन्हा परीक्षा घेण्याची मागणी उमेदवारांनी केली आहे. यासाठी उमेदवारांनी सर्वोच्च न्यायालयात याचिका दाखल केली आहे. नीट यूजी २०२१ परीक्षेत सहभागी १३ उमेदवारांनी वकील ममता शर्मा यांच्यामार्फत दाखल केलेल्या याचिकेत राजस्थान आणि उत्तर प्रदेशातील परीक्षेच्या पेपर लीकची कथित प्रकरणे आणि केंद्रीय अन्वेषण ब्युरो अर्थात सीबीआय तथ्य शोध अहवाल लक्षात घेऊन सर्वोच्च न्यायालयाच्या हस्तक्षेपाची विनंती करण्यात आली आहे. मीडिया रिपोर्टनुसार, NEET परीक्षेत बनावट उमेदवारांना सामील करून आणि विविध कोचिंग सेंटर आणि पेपर सोडवणाऱ्या टोळ्यांकडून प्रत्येक उमेदवाराकडून ५० लाखांची वसूली केल्याच्या आरोपाखाली सीबीआयने चार जण आणि इतर अज्ञात व्यक्तींविरोधात एफआयआर नोंदवला आहे. सीबीआयने नोंदवलेला एफआयआरमुळे मोठ्या कोचिंग सेंटर आणि पेपर सोडवणाऱ्या टोळ्यांचा हस्तक्षेप स्पष्ट होत आहे. गुन्हेगारी कट रचून परीक्षेचा पेपर फोडण्यात आला असे नीट यूजी २०२१ परीक्षा रद्द करण्याची...

मुंबईतील मेट्रोचे दोन मार्ग मेट्रो ७ आणि मेट्रो २ अ हे पुढील ३ ते ५ महिन्यात म्हणजेच डिसेंबर ते फेब्रुवारी दरम्यान प्रवासी वाहतुकीकरता सुरू होणार असल्याचे मुंबई महानगर प्रदेश विकास प्राधिकरण म्हणजेच MMRDA ने जाहीर केलं आहे. MMRDAचे आयुक्त एस श्रीनिवास यांनी ही माहिती दिली आहे.  मुंबईत मेट्रो ७ ( रेड लाईन ) आणि मेट्रो २ अ ( यल्लो लाईन ) या मेट्रो मार्गांचे काम युद्धपातळीवर सुरू आहे. दोन्ही मार्गांवर मेट्रोच्या चाचण्या विविध पातळीवर अंतिम टप्प्यात आहेत, मेट्रो स्थानकांची कामेही पूर्ण होण्याच्या मार्गावर आहेत.  मेट्रो ७ हा मार्ग अंधेरी पूर्व ते दहिसर पूर्व असा एकूण १६.४७५ किलोमीटर लांबीचा आहे. या मेट्रो मार्गावर एकूण १३ मेट्रो स्थानके आहेत. अत्यंत वर्दळीच्या पश्चिम द्रुतगती मार्गावरून या मेट्रो मार्गाची उभारणी करण्यात आलेली आहे. या मार्गावरून मेट्रो सेवा सुरू झाल्यावर पश्चिम द्रुतगती मार्गावरील वाहतूक कोंडी सुटेल अशी आशा आहे. तसंच या भागात रहाणाऱ्या लोकांना मेट्रो हा एक जलद प्रवासी वाहतुकीचा पर्याय उपलब्ध होणार आहे.  तर मेट्रो २ अ हा मार्ग डी एन नगर ते दहिसर असा एकूण ...

Delhi School : दिल्लीचे मुख्यमंत्री अरविंद केजरीवाल (Arvind Kejriwal)यांनी आम आदमी पक्ष (AAP) सरकारच्या महत्त्वाकांक्षी 'देशभक्ती अभ्यासक्रमा'चे औपचारिक उद्घाटन केले. या अभ्यासक्रमामुळे दिल्लीतील प्रत्येक विद्यार्थी खऱ्या अर्थाने देशभक्त होईल असे यावेळी मुख्यमंत्री अरविंद केजरीवाल म्हणाले. क्रांतिकारी स्वातंत्र्य सेनानी भगतसिंग यांच्या जयंतीनिमित्त छत्रसाल स्टेडियममध्ये आयोजित एका कार्यक्रमाला संबोधित करताना ते बोलत होते. आजकाल लोकांना फक्त तिरंगा फडकवताना किंवा राष्ट्रगीत गाण्यातच देशभक्ती वाटते. गेल्या ७४ वर्षांत आम्हाला आमच्या शाळांमध्ये भौतिकशास्त्र, रसायनशास्त्र आणि गणित शिकवले गेले पण मुलांना 'देशभक्ती' शिकवली गेली नाही. देशभक्ती आपल्या सर्वांच्या आत आहे पण त्यासाठी प्रेरणा मिळणे आवश्यक आहे. यामुळे दिल्लीतील प्रत्येक विद्यार्थी खऱ्या अर्थाने देशभक्त होईल. देशभक्तीपर अभ्यासक्रम देशाच्या विकासात उपयुक्त ठरेल आणि भारताला वेगाने पुढे नेईल असे यावेळी मुख्यमंत्री केजरीवाल म्हणाले. 'भारत माता की जय', 'इन्कलाब जिंदाबाद' आणि 'वंदे मातरम' च्या घोष...

Result: नॅशनल बोर्ड ऑफ एग्झामिनेशन (NBE) ने नीट पीजी २०२१ परीक्षांचे निकाल जाहीर केले आहेत. या निकालाची(NEET PG 2021 Result) लिंक लवकरच अधिकृत वेबसाइट nbe.edu.in वर सक्रिय करण्यात येणार आहे. रिझल्ट एका मेरिट लिस्टच्या स्वरुपात जाहीर करण्यात आला आहे. यामध्ये उमेदवारांचा रोल नंबर, गुण (८०० पैकी) आणि उमेदवारांनी मिळवलेल्या रँक सारख्या तपशिलांचा उल्लेख आहे. नीट पीजी २०२१ ही परीक्षा ११ सप्टेंबर २०२१ मध्ये देशभर २६० हून अधिक शहरांमध्ये आणि ८०० परीक्षा केंद्रांमध्ये आयोजित करण्यात आली होती. रिजल्टसोबत सर्व कॅटेगरीसाठी क्‍वालिफाइंग कट-ऑफ जाहीर करण्यात आला आहे. 2021: असा तपासा निकाल स्टेप १: अधिकृत वेबसाइट nbe.edu.in वर जा. स्टेप २: वेबसाइटवर दिलेल्या रिझल्टच्या लिंकवर क्लिक करा. स्टेप ३: आता मागितलेली माहिती सबमिट करा. स्टेप ४: तुमचा रिझल्ट स्क्रीनवर येईल. स्टेप ५: रिझल्ट तपासा NEET UG ची उत्तरतालिका होणार जाहीर नॅशनल टेस्टिंग एजन्सी (NTA)द्वारे लवकरच नीट परीक्षेची उत्तरतालिका (NEET Answer key 2021) जाहीर केली जाणार आहे. नीट २०२१ परीक्षेचे आयोजन १२ सप्टेंबरला केले जाणार आहे. राष्ट्रीय पात्...

राज्यात विविध केंद्रांवर अभियांत्रिकी, फार्मसी अभ्यासक्रमांची प्रवेश परीक्षा MHT-CET सुरू आहे. पावसामुळे मराठवाड्यासह अन्य अनेक ठिकाणी विद्यार्थ्यांना परीक्षा केंद्रावर पोहोचता आले नाही. या सर्व विद्यार्थ्यांना उच्च व तंत्र शिक्षण विभागाने दिलासा दिला आहे. या विद्यार्थ्यांना पुन्हा परीक्षा देता येणार आहे. राज्याचे उच्च व तंत्र शिक्षण मंत्री उदय सामंत यांनी यासंबंधी ट्विट केले आहे. दरम्यान, मराठवाड्यात पुरामुळे ज्या विद्यार्थ्यांना इंजिनिअरिंग प्रवेश परीक्षा देता आली नाही त्यांनी प्रवेश परीक्षा कक्षाशी ई-मेलने संपर्क साधावा त्यांची परीक्षा नंतर घेण्यात येईल असे प्रवेश परीक्षा कक्षाचे आयुक्त चिंतामणी जोशी यांनी 'महाराष्ट्र टाइम्स'ला सांगितले. मराठवाड्यासह राज्यातील विविध भागांत गेल्या दोन दिवसांपासून मुसळधार पाऊस सुरू आहे. मराठवाड्यातील परीक्षा केंद्रांवर MHT-CET परीक्षा देण्यासाठी विद्यार्थ्यांना पोहोचता आले नाही. ग्रामीण भागातील जवळपास सर्वच नद्यांना पूर आल्याने विद्यार्थी अडकून पडले. नांदेड विभागातही अनेक विद्यार्थ्यांना एमएचटी-सीईटी परीक्षा देण्यात आली नाही. लातूर रोड येथील...

म. टा. प्रतिनिधी, मुंबई वाढलेले डिझेल दर आणि सरकारी दरबारी झालेली विद्यार्थी वाहतूकदारांची उपेक्षा यांमुळे शालेय बसभाड्यामध्ये ३० टक्के भाडेवाढ करण्यात येणार आहे. शाळा सुरू झाल्यावर विद्यार्थी वाहतुकीची संख्या लक्षात घेऊन ही भाडेवाढ केव्हा लागू करायची यावर निर्णय घेण्यात येणार असल्याचे अखिल महाराष्ट्र राज्य विद्यार्थी वाहतूक महासंघाकडून स्पष्ट करण्यात आले. मार्च २०२०मध्ये डिझेल प्रतिलीटर ६८ रुपये होते. सध्या हे दर ९७ रुपयांपर्यंत पोहोचले आहेत. बस अनुज्ञप्तीची वैधता पूनर्जीवित करण्यासाठी करोनापूर्वी येणारा ६०० रुपयांचा खर्च सध्या दोन हजारांवर पोहोचला आहे. करोनानंतर सुरुवात करताना सर्वच क्षेत्रांत दरवाढ झाल्याने शालेय विद्यार्थी वाहतूकदारांनादेखील वाढ करण्याचा निर्णय घेतला आहे. रिक्षाचालकांच्या धर्तीवर विद्यार्थी वाहतूकदारांना आर्थिक मदत मिळावी, उभ्या असलेल्या शालेय बसना करमाफी व पार्किंग दरात सूट मिळावी, आदी या विद्यार्थी वाहतूकदारांच्या मागण्यात होत्या. परंतु सरकारने त्याकडे दुर्लक्ष केल्याने त्याचा फटका पालक आणि विद्यार्थी वर्गाला बसणार आहे. सध्या विद्यार्थी बसवाहतुकीचे किमान दर ८००...

CSE 2020: केंद्रीय लोकसेवा आयोगाने नागरी सेवा मुख्य परीक्षा २०२० मध्ये उपस्थित झालेल्या सर्व उमेदवारांचे गुण जाहीर केले आहेत. CSE 2021 Main मधील यशस्वी आणि अयशस्वी उमेदवारांसाठी आयोगाने स्वतंत्रपणे गुण जाहीर केले आहेत. नागरी सेवा परीक्षा २०२० मध्ये उपस्थित झालेले उमेदवार आयोगाच्या अधिकृत वेबसाइट upsc.gov.in वर दिलेल्या लिंकवरून किंवा बातमीखाली दिलेल्या थेट लिंकवरून त्यांचे गुण तपासू शकतात. या लिंकवरून तपासा गुण केंद्रीय लोकसेवा आयोगाने (UPSC) २४ सप्टेंबर रोजी नागरी सेवा परीक्षा २०२० चा अंतिम निकाल जाहीर केला होता. यानंतर, UPSC ने श्रेणीनिहाय कटऑफ गुण जाहीर केले आहेत. सिव्हिल सर्व्हिसेस प्रीलिम्स, मेन्स आणि फायनल कटऑफ मार्क्स अधिकृत वेबसाइटवर उपलब्ध आहेत. उमेदवार upsc.gov.in ला भेट देऊन गुण तपासू शकतात. दरम्यान वेबसाइटवर प्रसिद्ध केलेल्या नोटिसनुसार, निकाल जाहीर झाल्यापासून १५ दिवसांच्या आत उमेदवारांचे गुण (गुण) जाहीर केले जातील. या स्टेप्स फॉलो करुन तपासा नागरी सेवा परीक्षा २०२० ची कटऑफ यादी कटऑफ यादी तपासण्यासाठी उमेदवारांनी UPSC च्या अधिकृत वेबसाइट upsc.gov.in ला भेट देणे आवश्यक...

मुंबई : आर्थिक गुन्ह्यांमुळे केवळ देशाच्या आर्थिक व्यवस्थेलाच धक्का पोहोचत नाही, तर कायदा आणि सुव्यवस्थेवरील नागरिकांच्या विश्वासालाही तडा जातो. याचिकाकर्त्यां या अशाच गंभीर गुन्ह्यांतील आरोपी असल्याने त्यांना दिलासा दिला जाऊ शकत नाही, असे निरीक्षण नोंदवत येस बँकेचे संस्थापक राणा कपूर यांची पत्नी बिंदू, मुली राधा व रोशनी यांची जामीन याचिका उच्च न्यायालयाने मंगळवारी फेटाळली. न्या. भारती डांगरे यांनी मंगळवारी तिघींची याचिका फेटाळत त्यांना कोणताही दिलासा देण्यास नकार दिला. येस बँकेचे समूह अध्यक्ष आणि व्यावसायिक प्रमुख राजीव आनंद यांची जामीन याचिकाही न्यायालयाने फेटाळली. याचिकाकर्त्यां या जामिनासाठी पात्र नाहीत. राज्याच्या आर्थिक व्यवस्थेला धक्का पोहोचवणाऱ्या गुन्ह्यांत याचिकाकर्त्यांचा सहभाग आहे. नागरिकांची फसवणूक झाली आहे. असे गुन्हे वारंवार व मोठय़ा प्रमाणात घडत असून त्यामुळे देशाची प्रगती खुंटली आहे. देशाच्या अर्थव्यवस्थेचे मोठय़ा प्रमाणात नुकसान झाले आहे, असेही न्यायालयाने तिघींची याचिका फेटाळाना नमूद केले. The post राणा कपूर यांच्या पत्नी, मुलींच्या जामिनाची याचिका फेटाळली appear...

संदीप आचार्य, लोकसत्ता मुंबई : पालिकेच्या शीव रुग्णालयात गेल्या दोन वर्षांतील करोनाकाळात हृदयरोग उपचार विभागात जवळपास शंभरहून अधिक ज्येष्ठ हृदयरुग्णांवर यशस्वीपणे उपचार करण्यात आले. २०२० मध्ये एकूण १७३२ अँजिओग्राफी व अँजिओप्लास्टी करण्यात आल्या, तर जानेवारी ते ऑगस्ट २०२१ या काळात आतापर्यंत १५२७ रुग्णांच्या अँजिओग्राफी व अँजिओप्लास्टी करण्यात आल्या. करोनाच्या पहिल्या काही महिन्यांत  नेमका अंदाज येत नव्हता. त्यातच टाळेबंदीमुळे रुग्णांना रुग्णालयात दाखल होणे अवघड होऊन बसले होते. हृदयविकार रुग्णांना याचा मोठा त्रास झाला. कारण या रुग्णांना तात्काळ उपचार मिळणे गरजेचे असते आणि नेमक्या याच वेळी रुग्णालयाने महत्त्वाची भूमिका बजावल्याचे शीव रुग्णालयाचे अधिष्ठाता डॉ. मोहन जोशी व हृदयविकार विभागाचे प्रमुख डॉ. अजय नाथानी यांनी सांगितले.  पहिल्या दोन महिन्यांत आमच्याकडे जवळपास १९० रुग्णांवर उपचार करण्यात आले असून यात ६० हून अधिक रुग्णांवर अँजिओप्लास्टी शस्त्रक्रिया करण्यात आल्याचे या विभागातील प्राध्यापक डॉ. अजय महाजन यांनी सांगितले. या १९० रुग्णांमध्ये साठ वर्षांवरील २५ रुग्ण होते. दोन...

मंत्रिमंडळात चर्चा; मुख्यमंत्र्यांकडूून तातडीची बैठक मुंबई : राज्यातील रस्त्यांवरील खड्डय़ांमुळे नागरिकांसह मंत्र्यांनाही त्रास होऊ लागल्याने त्याचे पडसाद मंगळवारी मंत्रिमंडळाच्या बैठकीत उमटले. राज्याच्या सर्वच भागांतील रस्ते खड्डेमय झाल्याने नागरिकांमध्ये असंतोष निर्माण होत असून केवळ अधिकाऱ्यांवर तात्कालिक कारवाई करून भागणार नाही, तर रस्त्यांच्या दर्जाबाबत जबाबदारी निश्चित करावी लागेल अशी भावना अनेक मंत्र्यांनी व्यक्त केली. त्यावर अखेर मुख्यमंत्री उद्धव ठाकरे यांनी राज्यातील खड्डय़ांच्या प्रश्नावर बुधवारी बैठक बोलावण्याचा निर्णय घेतला. मुंबई, ठाणे, पुणे, नाशिकसह राज्यातील विविध भागांमधील रस्ते खड्डेमय झाल्याचा विषय राज्य मंत्रिमंडळाच्या बैठकीत निघाला. उपमुख्यमंत्री अजित पवार, सार्वजनिक बांधकाममंत्री अशोक चव्हाण, अन्न व नागरी पुरवठा मंत्री छगन भुजबळ, सार्वजनिक बांधकाममंत्री (उपक्रम) एकनाथ शिंदे आदी अनेक मंत्र्यांनी खडय़ांच्या समस्येबाबत नाराजी व्यक्त के ली. राज्य महामार्गावरील खड्डे बुजवण्यासाठी यंत्रणेला आदेश दिल्याची माहिती देत राष्ट्रीय महामार्गावरही मोठय़ाप्रमाणात खड्डे आहेत व ...

डॉ. अन्वय मुळे यांच्याशी आज वेबसंवाद; शंका आणि समस्यांचे निराकरण मुंबई : ‘अँजिओप्लास्टी’, ‘अँजिओग्राफी’, ‘बायपास’ हे शब्द आता फारसे नवे राहिलेले नाहीत. वाढत्या हृदयविकारांमुळे पर्यायाने हृदयावरील शस्त्रक्रियांचे प्रमाणही वाढले आहे. मात्र शस्त्रक्रियेनंतरही हा विकार आटोक्यात ठेवण्यासाठी आयुष्यभर प्रयत्न करणे तेवढेच महत्त्वाचे असते. त्यासाठी आहार-विहारासह जीवनशैलीमध्ये यासाठी कोणते बदल करावेत याचे मार्गदर्शन विख्यात हृदयशल्यविशारद डॉ. अन्वय मुळे आज करणार आहेत. ‘लोकसत्ता आरोग्यमान भव’ या वेबसंवादात ‘ठणठणीत हृदयासाठी’ या विषयावर आज डॉ. मुळे संवाद साधतील.  एच.एन.रिलायन्स फाऊंडेशन रुग्णालयातील हृदयरोगतज्ज्ञ डॉ. अन्वय मुळे हे कार्डिओथोरॅसिक सर्जन असून २०१५ साली त्यांनी मुंबईतील पहिली यशस्वी हृदयप्रत्यारोपण शस्त्रक्रिया केली आहे.  हृदयविकार किंवा हृदयशस्त्रक्रिया याबाबत अद्यापही भीतीच अधिक आहे. हृदयविकाराचे अनेक प्रकार असून त्यानुसार शस्त्रक्रियांसह अनेक अद्यावत उपचार सध्या उपलब्ध आहेत. हे उपचार कितपत सुरक्षित आहेत, या उपचारानंतरही पुन्हा सर्वसामान्य आयुष्य जगता येईल का, अशा अनेक...

काँग्रेसचा विरोध डावलला; मंत्रिमंडळ बैठकीत वाद मुंबई : महानगरपालिकांमध्ये तीन सदस्यीय  प्रभाग पद्धत लागू करण्याच्या निर्णयावरून राज्य मंत्रिमंडळाच्या बैठकीत मंगळवारी वादावादी झाली. तीनऐवजी दोन सदस्यीय प्रभाग पद्धत असावी, अशी मागणी काँग्रेसच्या मंत्र्यांनी के ली असता शिवसेनेचे मंत्री तीन सदस्यीय प्रभाग पद्धतीवर ठाम राहिले. मुख्यमंत्री उद्धव ठाकरे यांनीही त्रिसदस्यी प्रभाग पद्धतीचे समर्थन केले. महानगरपालिके त तीन तर नगरपालिकांमध्ये दोन सदस्यीय प्रभाग पद्धत लागू करण्याचा निर्णय राज्य मंत्रिमंडळाच्या गेल्या आठवडय़ात झालेल्या बैठकीत घेण्यात आला होता. काँग्रेसने तीन सदस्यीय प्रभाग पद्धतीला विरोध दर्शविला होता. मुख्यमंत्री उद्धव ठाकरे यांच्या अध्यक्षतेखाली झालेल्या मंत्रिमंडळ बैठकीत काँग्रेसचे बाळासाहेब थोरात आणि अशोक चव्हाण या मंत्र्यांनी तीन सदस्यीय प्रभाग पद्धतीचा निर्णय रद्द करावा व त्याऐवजी दोन सदस्यीय प्रभाग पद्धत लागू करण्याची मागणी के ली. यावरून शिवसेना व काँग्रेसच्या मंत्र्यांमध्ये मतभेद झाले. उपमुख्यमंत्री अजित पवार यांनीही तीनऐवजी दोन सदस्यीय प्रभाग पद्धतीला पाठिंबा दर्शविल...

मुंबई: संशयीत दहशतवादी झाकीर हुसेन शेख व  रिझवान इब्राहिम मोमीन यांचा दहशतवाद विरोधी पथकाने(एसीटीएस) पुन्हा ताबा घेतला आहे. ४ ऑक्टोबपर्यंत दोघांचाही ताबा एटीएसला मिळाला. देशात घातपाती कारवायांच्या तयारीत असलेल्या पाकिस्तानातील अ‍ॅन्थोनी याच्या संपर्कात असल्याच्या संशयावरून झाकीर हुसेन शेख(५२) विरोधात एटीएसने लुक आऊट सक्युर्लर लागू केले होते. त्यानंतर याप्रकरणी झाकीरला अटक करून त्याच्याविरोधात बेकादेशीर कृत्ये(प्रतिबंधक)अधिनियम, १९६७ अंतर्गत शनिवारी गुन्हा दाखल करण्यात आला होता. झाकीरच्या चौकशीत मिळालेल्या माहितीच्या आधारावर पोलिसांनी रिझवानला अटक केली. त्याच्या मुंब्रा येथील घरी एटीएसने घेतलेल्या झडतीत संशयीत दस्तऐवज सापडले असून ते जप्त करण्यात आले आहेत. सध्या दोघांच्याही कोठडीची एटीएसला आवश्यकता नसल्यामुळे झाकीर व मोमीन दोघांनाही न्यायालयाने १४ दिवसांची न्यायालयीन कोठडी सुनावली होती.याप्रकरणी एटीएसला काही माहितीची पडताळणी करायची असल्यामुळे शुक्रवारी दोघांचाही ताबा घेण्यासाठी एटीएसने अर्ज केला होता. त्यानुसार त्याला मंजुरी मिळाली. The post संशयित दहशतवाद्यांचा पुन्हा ‘एटीएस’कडे...

३४६ पानांचे आरोपपत्र, ७७ साक्षीदार मुंबई: साकिनाका येथे झालेल्या लैंगिक अत्याचार आणि हत्येप्रकरणी  विशेष तपास पथकाने अवघ्या १८ दिवसांत आरोपपत्र  दाखल केले आहे. या प्रकरणी अटक करण्यात आलेला आरोपी मोहन चौहानविरोधात ३४६ पानांचे आरोपपत्र मंगळवारी दिंडोशी सत्र न्यायालयात दाखल करण्यात आल्याचे पोलिसांनी सांगितले. साकिनाका येथे एका ३४ वर्षांच्या महिलेवर मोहन चौहानने १० सप्टेंबरला अत्याचार केला होता. तिला अमानुष मारहाण केली होती. त्यात ती गंभीररीत्या जखमी झाली होती. तिला पोलिसांनी उपचारासाठी राजावाडी हॉस्पिटलमध्ये दाखल केले होते. तेथेच उपचारादरम्यान तिचा दुसऱ्या दिवशी मृत्यू झाला. याप्रकरणी साकीनाका पोलीस ठाण्यात कलम ३०२, ३७६, ३२३, ५०४, ३४ भा.दं.वि.सह कलम ३(१)(डब्ल्यु), ३(२)(अ) अनुसुचित जाती अनुसुचित जमाती अधिनियम १९८९ अन्वये नोंद करण्यात आला होता. सीसीटीव्हीच्या मदतीने याप्रकरणी आरोपीची ओळख पटवण्यात आली. त्यामुळे  गुन्हा दाखल होताच अवघ्या काही तासांत उत्तर प्रदेशला पळून जाण्याच्या तयारीत असलेल्या मोहन चौहानला पोलिसांनी अटक केले.  याप्रकरणी विशेष पोलीस पथकाने तपासामध्ये आरो...

मुंबई ते अहमदाबाद बुलेट ट्रेन; राज्यात ५५ हेक्टर भूसंपादन मुंबई : बहुचर्चित मुंबई ते अहमदाबाद बुलेट ट्रेन प्रकल्पामध्ये राज्यात खासगी भूसंपादन झालेल्या प्रकल्पग्रस्तांना आतापर्यंत १ हजार ३५४ कोटी रुपयांची नुकसानभरपाई देण्यात आली आहे. ठाणे आणि पालघर जिल्ह्य़ातून बुलेट ट्रेन धावणार असल्याने या जिल्ह्य़ातील भूसंपादन होत असून त्याला फारसा प्रतिसाद मिळालेला नाही. गुजरातमध्ये खासगी भूसंपादनासाठी नॅशनल हायस्पीड रेल्वे कॉर्पोरेशनने आतापर्यंत ५ हजार ४५६ कोटी रुपये मोजले आहेत. गुजरातमध्ये सर्वाधिक ९८ टक्के भूसंपादन झाले असून अनेक कामेही सुरू झाल्याची माहिती दिली. मुंबई ते अहमदाबाद बुलेट ट्रेन प्रकल्पात ठाणे, पालघर जिल्ह्य़ाबरोबरच मुंबई उपनगरीय रेल्वे मार्गावरील एकूण सरकारी व खासगी ४३२.६७ हेक्टर जमीन लागणार आहे. ठाणे जिल्ह्य़ातील २२, पालघरमधील ७३ गावे आणि मुंबईतील दोन ठिकाणचे खासगी भूसंपादन नॅशनल हायस्पीड रेल्वेला करावे लागत आहे. आतापर्यंत २७५.०२ हेक्टर खासगी जमिन संपादित लागणार असून ५५.५७ हेक्टर संपादन झाल्याची माहिती हायस्पीड कॉर्पोरेशनच्या प्रवक्त्या सुषमा गौर यांनी दिली. खासगी जमीन असलेल्...

युद्धपातळीवर रस्त्यांची दुरुस्ती करण्याच्या महापालिका आयुक्तांच्या सूचना मुंबई : मुंबईतील रस्त्यांवर पडलेल्या खड्डय़ांवरून राजकारणी आणि नागरिकांकडून मोठय़ा प्रमाणावर टीका झाल्यानंतर पालिका प्रशासनाला आता जाग आली आहे. पुढील दोन ते तीन आठवडे खड्डे भरण्याच्या कामाला प्राधान्य द्यावे, असे आदेश पालिका आयुक्त इक्बाल सिंह चहल यांनी पालिका अधिकाऱ्यांना दिले आहेत. दिसलेला खड्डा त्याच दिवशी भरावा, रस्ते अभियंत्यांना इतर अतिरिक्त कामांमधून तातडीने कार्यमुक्त करावे, तसेच साहाय्यक आयुक्तांनी दररोज आपापल्या हद्दीत फिरून खड्डे भरण्याची कार्यवाही युद्धपातळीवर करावी, असे निर्देश आयुक्तांनी दिले आहेत.  दरवर्षी पावसाळ्यात मुंबईच्या रस्त्यांवर पडणाऱ्या खड्डय़ांमुळे पालिकेला नेहमीच टीकेला सामोरे जावे लागते. रस्त्यांवर कोटय़वधी रुपये खर्चूनही खड्डे पडत असल्यामुळे सत्ताधारी शिवसेनेवर राजकीय टीका होतेच, पण नागरिक व प्रसारमाध्यमांमधूनही पालिकेवर टीका होते. यावर्षीही मोठय़ा प्रमाणावर टीका होत आहे. त्यातच पालिकेच्या संकेतस्थळावर केवळ ९२७ खड्डय़ांच्या नोंदी असून त्यापैकी पाचशे खड्डे बुजवण्याचे बाकी असल्याच...

पहिल्या टप्प्यात चांदिवलीत ४ हजार घरे; १६०० कोटींचा खर्च मुंबई : मुंबईतील विविध विकासकामांच्या आड येणाऱ्या प्रकल्पबाधितांच्या पुनर्वसनाचा प्रश्न सोडवण्यासाठी पालिकेने मुंबईत ३५ हजार सदनिका बांधण्याचा निर्णय घेतला आहे. प्रत्येक परिमंडळात पाच हजार घरे बांधण्यात येणार आहेत. त्याअंतर्गत चांदिवली येथे चार हजार सदनिका बांधण्यासाठी विकासक पुढे आले आहेत. याशिवाय दहिसर आयसी कॉलनी येथील ९६० चौ.मी. जागेत १०८ घरे बांधण्यात येणार आहेत. यासाठी पालिका एक हजार ६११ कोटी रुपये खर्च करणार आहे. मुंबई महानगरपालिकेने विविध प्रकल्प हाती घेतले आहेत. सागरी किनारा मार्ग, गोरेगाव मुलुंड जोडरस्ता अशा विविध पायाभूत सुविधांचे प्रकल्प राबवताना प्रकल्पबाधितांचे पुनर्वसन हा मोठा अडथळा असतो. प्रकल्पबाधितांसाठी माहुल येथे सदनिका असल्या तरी तिथे जाण्यास ते तयार होत नाहीत. त्यांना त्याच परिसरात पुनर्वसन हवे असते. त्यामुळे पालिकेचे अनेक प्रकल्प रखडतात. त्यामुळे नजीकच्या काळात पायाभूत सुविधांचे प्रकल्प राबवण्यासाठी भविष्यात किती सदनिकांची आवश्यकता आहे याबाबतचा आढावा पालिकेने घेतला आहे. त्यानुसार प्रत्येक परिमंडळात पाच हज...

पूर्व उपनगरांत १३८६ घरे मिळणार; ४१५ कोटींचा खर्च मुंबई : पालिकेच्या घनकचरा विभागातील सफाई कामगारांच्या वसाहतींच्या पुनर्विकासावरील राजकीय वाद शमलेला नसताना आता आणखी दोन ठिकाणच्या वसाहतींचा विकास करण्याबाबत स्थायी समितीत प्रस्ताव सादर करण्यात आला आहे. चेंबूर आणि मानखुर्दमधील या वसाहतींचा पुनर्विकास करून १३८६ घरे उपलब्ध करून देण्यात येणार आहेत. पालिका यासाठी ४१५ कोटींचे कंत्राट देणार आहे.  पालिकेच्या घनकचरा विभागांतर्गत असलेल्या सफाई कामगारांच्या ३९ वसाहती मुंबईत आहेत. या वसाहतींच्या पुनर्विकासासाठी पालिकेने आणलेल्या आश्रय योजनेच्या कामाचा आणखी एक प्रस्ताव स्थायी समितीच्या पटलावर ठेवण्यात आला. यापूर्वी प्रभादेवी व माहीम येथील वसाहतीच्या विकासाचे प्रस्ताव आले होते. त्या वेळी नियमबाह्य पद्धतीने काम दिल्यामुळे भाजपने या प्रस्तावांना विरोध केला. मात्र त्यापैकी १७०० कोटींच्या कामाचा प्रस्ताव मंजूर करण्यात आला तर ४७८ कोटींच्या कामाचा प्रस्ताव परत पाठवण्यात आला होता. आता आणखी काही वसाहतींच्या विकासाचे दोन प्रस्ताव आल्यामुळे त्यालादेखील राजकीय विरोध होतो का ते येत्या बैठकीत समजणार आहे. य...

2019: महाराष्ट्र लोकसेवा आयोगातर्फे (MPSC) जून २०१९ मध्ये घेण्यात आलेल्या राज्यसेवा मुख्य परीक्षेचा सुधारित निकाल मंगळवारी जाहीर करण्यात आला. यापूर्वीच्या परीक्षेत राज्यात पहिला आलेल्या साताऱ्याच्या प्रसाद चौगुलेने सुधारित निकालातही पहिला येण्याचा मान मिळवला आहे. मागासवर्गीय गटात राहुल कुवर या विद्यार्थ्यानेही सुधारित निकालात पहिला येण्याची कामगिरी केली आहे. मुलींमध्ये मानसी पाटील ही विद्यार्थिनी सुधारित निकालात पहिली आली आहे. एमपीएससीकडून जून २०१९ मध्ये झालेल्या परीक्षेचा निकाल गेल्या वर्षी जाहीर करण्यात आला होता. मात्र, हा निकाल सामाजिक आणि आर्थिकदृष्ट्या मागास (SEBC) आरक्षण लागू करून जाहीर करण्यात आला होता. या आरक्षणाच्या विरोधात सर्वोच्च न्यायालयात याचिका दाखल झाल्याने निकाल लागलेल्या सुमारे ४१३ विद्यार्थ्यांना सव्वा वर्ष नियुक्तीचे पत्र मिळाले नव्हते. त्यासंदर्भात काही महिन्यांपूर्वी या विद्यार्थ्यांनी आंदोलनही केले होते. आरक्षणाच्या मुद्द्यावर काही दिवसांपूर्वी सर्वोच्च न्यायालयात सुनावणी होऊन एसईबीसी आरक्षण रद्द करण्यात आले आणि या आरक्षणाद्वारे निवड झालेल्या विद्यार्थ्यांची सर...

Mumbai Port Trust 2021: मुंबई पोर्ट ट्रस्टमध्ये () विविध पदांची भरती केली जाणार आहे. यासाठी नोटिफिकेशन जाहीर करण्यात आले असून पदभरतीसाठी लागणारी शैक्षणिक आर्हता, पगार, अनुभव याचा सविस्तर तपशील नोटिफिकेशनमध्ये देण्यात आला आहे. या पदभरती अंतर्गत वरिष्ठ उपमुख्य लेखा अधिकारी, सल्लागार, साहित्य व्यवस्थापक, वरिष्ठ उपमुख्य वैद्यकीय अधिकारी, आर्थिक सल्लागार आणि मुख्य लेखा, वरिष्ठ उपसचिव या रिक्त पदांसाठी अर्ज मागविण्यात आले आहेत. इच्छुक आणि पात्र उमेदवारांकडून ऑनलाइन माध्यमातून अर्ज मागविण्यात आले आहेत. पदभरतीचा तपशील अंतर्गत होणाऱ्या पदभरतीमध्ये वरिष्ठ उपमुख्य लेखा अधिकारी (Senior Deputy Chief Accounts Officer) सल्लागार (Advisor) साहित्य व्यवस्थापक (Material Manager) वरिष्ठ उपमुख्य वैद्यकीय अधिकारी (Senior Deputy Chief Medical Officer) आर्थिक सल्लागार आणि मुख्य लेखा (Financial Adviser & Chief Accounts) वरिष्ठ उपसचिव (Senior Deputy Secretary) शैक्षणिक पात्रता आणि अनुभव वरिष्ठ उपमुख्य लेखा अधिकारी, सल्लागार, साहित्य व्यवस्थापक, वरिष्ठ उपमुख्य वैद्यकीय अधिकारी,आर्थिक सल्लागार आणि मुख्य ...

म. टा. प्रतिनिधी, मुंबई अकरावी ऑनलाइन प्रवेशप्रक्रियेसाठी () मुख्य प्रवेशाच्या तीन प्रवेश फेऱ्या आणि त्यानंतरच्या विशेष फेरीनंतरही एक लाखहून अधिक जागा रिक्त राहिल्याने आता प्रथम येणाऱ्यास प्रथम प्राधान्य धर्तीवर सात टप्प्यांमध्ये प्रवेशप्रक्रिया पार पडणार आहे. यासाठीचे वेळापत्रक शिक्षण विभागाने प्रसिद्ध केले असून पहिली फेरी आज, मंगळवारपासून सुरू होणार आहे. प्राधान्य फेरीमध्ये मुंबई, पुणे, पिंपरी-चिंचवड, नाशिक, अमरावती आणि नागपूर या महानगर क्षेत्रांतील ज्युनिअर कॉलेजांतील प्रवेश ऑनलाइन नोंदणीने केले जाणार आहेत. ज्या कॉलेजांमध्ये रिक्त जागा आहेत, त्या ठिकाणी विद्यार्थ्यांना अर्ज करून हे प्रवेश घेता येणार आहेत. पहिल्या टप्प्यात ९० टक्यांवरील विद्यार्थ्यांना २८ व २९ सप्टेंबरला नोंदणी करता येणार आहे. सकाळी १०पासून सायंकाळी ६ या वेळेत नोंदणी करून संबंधित कॉलेजांमध्ये जाऊन प्रवेश निश्चित करावयाचा आहे. यानंतर ३० सप्टेंबर ते १ ऑक्टोबरला ८० टक्क्यांवरील, २ ते ४ ऑक्टोबर ७० टक्क्यांवरील, ५ ते ६ ऑक्टोबर ६० टक्क्यांवरील, ७ ते ९ ऑक्टोबर ५० टक्क्यांवरील, १० ते १२ ऑक्टोबर ३५ टक्क्यांवरील आणि शेवटची फ...

उच्च न्यायालयाकडून प्रथमच नियमावली मुंबई : कामाच्या ठिकाणी महिलांवर होणाऱ्या अत्याचाराशी संबंधित खटल्यांची सुनावणी, न्यायालयाकडून दिले जाणारे आदेश, ते उपलब्ध करण्याची पद्धत व अशा प्रकरणांचे प्रसिद्धीमाध्यमांकडून के ले जाणारे वृत्तांकन याबाबत उच्च न्यायालयाने प्रथमच नियमावली जाहीर केली आहे. त्यानुसार या प्रकरणांची सुनावणी यापुढे ‘इन कॅमेरा’ वा न्यायाधीशांच्या दालनात होईल. तसेच न्यायालयाच्या परवानगीशिवाय या प्रकरणांच्या निकालाचे वृत्तांकन करण्यास मज्जाव करण्यात आला आहे. न्यायमूर्ती गौतम पटेल यांनी याबाबतची नियमावली नुकतीच जाहीर केली. या प्रकरणांसाठी कोणतीही नियमावली आतापर्यंत नव्हती. त्यामुळे यापुढे ही प्रकरणे कशी चालवली जावीत याबाबत नियमावली करण्यात येत असल्याचे न्यायालयाने स्पष्ट केले. त्यानुसार या प्रकरणांचे आदेश न्यायालयाच्या अधिकृत संकेतस्थळावर उपलब्ध केले जाऊ नयेत, नियमावलीचे उल्लंघन करून तक्रारदाराचे नाव वा त्याची ओळख उघड केली तर तो न्यायालयाचा अवमान असेल. शिवाय न्यायालयाच्या परवानगीशिवाय प्रकरणातील तक्रारदार, प्रतिवादी, त्यांचे वकील आणि साक्षीदारांवर प्रकरणाशी संबंधित कोणतीही म...

मुंबई : सर्वसामान्यांच्या अर्जविनंत्यांवर निर्णय घेताना एरवी सरकारी यंत्रणांकडून वेळकाढूपणा, असंवेदनशीलता दाखवली जात असली तरी सरकारच्या या लालफितीच्या कारभारामुळे हतबल झालेल्या आणि आत्मदहन किं वा आत्महत्येचे इशारे देणाऱ्यांच्या पत्रांची दखल यापुढे तातडीने घेतली जाणार आहे. तीही आयुक्त, महामंडळाचे व्यवस्थापकीय संचालक अशा वरिष्ठ दर्जाच्या अधिकाऱ्यांकडून. किंबहुना अशा पत्रांची दखल कशी घ्यावी यासाठी सरकारच्या ‘कृषी, पशुसंवर्धन, दुग्धव्यवसाय विकास व मत्स्यव्यवसाय विकास विभागा’ने मार्गदर्शन करत ‘एसओपी’ (कार्यपद्धती) ठरवून दिली आहे, हे विशेष. लहानसहान कामांसाठी अनेकदा विभागातील कार्यालयांचे खेटे घालून नागरिक थकून जातात. परिस्थितीने हतबल झालेले असे नागरिक त्या त्या विभागाच्या मुख्यालयासमोर किंवा थेट मंत्रालयात येऊन आत्महत्येचा प्रयत्न करतात. या प्रकारांमुळे सरकारचा अनागोंदी कारभारही चव्हाटय़ावर येतो. ही नाचक्की टाळण्यासाठी अशी आणीबाणीची परिस्थिती कशी हाताळावी याची कार्यपद्धतीच कृषी, पशुसंवर्धन, दुग्ध व्यवसाय विकास व मत्स्य व्यवसाय विकास विभागाने आपल्या अधिकाऱ्यांना ठरवून दिली आहे. अनेकदा असे...

मुंबई : जागतिक आरोग्य संघटनेच्या आकडेवारीनुसार जगात सर्वाधिक मृत्यू हे हृदयविकारामुळे होत असून मृत्यू टाळण्यासाठी पहिल्या एक ते दोन तासांत योग्य उपचार वेळेत न मिळाल्यामुळे होतात. हृदयविकाराची लक्षणे, तातडीचे प्रथमोपचार, करोनानंतर हृदयाचे आरोग्य जपण्यासाठी घ्यावयाची काळजी याबाबत प्रसिद्ध हृदयरोगतज्ज्ञ डॉ. अन्वय मुळे बुधवारी मार्गदर्शन करणार आहेत. जागतिक हृदयदिनाच्या निमित्ताने बुधवारी (२९ सप्टेंबर) आयोजित केलेल्या ‘लोकसत्ता आरोग्यमान भव’ या वेबसंवादात ‘ठणठणीत हृदयासाठी’ या विषयावर डॉ. मुळे वाचकांशी संवाद साधणार आहेत. जागतिक आरोग्य संघटनेच्या आकडेवारीनुसार जगात सर्वाधिक मृत्यू हे हृदयविकारामुळे होत असून बहुतांश हृदयाशी संबंधित आजार हे टाळता येणे शक्य आहे. तंबाखू किंवा मद्याचे व्यसन, निकृष्ट दर्जाचा आहार, स्थूलपणा इत्यादी बाबी हृद्यविकारासाठी प्रामुख्याने कारणीभूत आहेत. तेव्हा हृदयविकाराचा धोका टाळण्यासाठी राहणीमानासह सवयींमध्ये काही महत्त्वाचे बदल करणे आवश्यक आहे. अंगवळणी पडलेल्या या चुकीच्या सवयी कशा बदलता येतील, सवयी बदलण्याचे काय फायदे आहेत यासह जीवनशैलीत काय बदल करणे आवश्यक आहे याच...

विशेष सत्रात आज शिक्षक, विद्यार्थ्यांना लाभ मुंबई : पालिका आणि शासकीय लसीकरण केंद्रावर सोमवारी आयोजित केलेल्या महिलांसाठीच्या विशेष सत्रामध्ये १ लाख १३ हजार महिलांचे लसीकरण केले गेले. महिलांचे लसीकरण मोठय़ा प्रमाणात करण्यासाठी पालिकेतर्फे सोमवारी विशेष सत्राचे आयोजन केले होते. यात पालिकेच्या आणि शासकीय सर्व केंद्रावर पूर्वनोंदणी न करता पहिली आणि दुसरी मात्रा घेण्याची सुविधा महिलांसाठी खुली केली होती. या अंतर्गत शहरातील १ लाख १३ हजार ९३५ महिलांना लस देण्यात आली. पालिकेने दुसऱ्यांदा महिलांसाठी विशेष लसीकरण आयोजित केले होते. आज शिक्षक आणि विद्यार्थ्यांचे लसीकरण शाळा सुरू होण्याच्या पाश्र्वभूमीवर आज सकाळी नऊ ते दुपारी दोन या सत्रामध्ये शिक्षक तसेच १८ वर्ष व त्यावरील विद्यार्थ्यांंच्या लसीकरणासाठी विशेष सत्र राबविण्यात येणार आहे. शिक्षक आणि विद्यार्थ्यांंना संबंधित शिक्षण संस्थेचे ओळखपत्र सोबत आणणे आवश्यक आहे. दुपारनंतर दुसऱ्या मात्राधारकांचे लसीकरण दुपारी तीन ते रात्री आठ या सत्रामध्ये सर्व केंद्रावर केवळ दुसऱ्या मात्राधारकांसाठी लसीकरण आयोजित केले जाणार आहे. या दुपारच्या सत्रात को...

करोना साथरोगाच्या पाश्र्वभूमीवर निर्णय मुंबई : शासकीय सेवेत असताना अधिकाऱ्याचे निधन झाल्यास, त्याच्या कुटुंबातील एका पात्र व्यक्तीस अनुकंपा तत्वार नियुक्ती देण्याच्या धोरणाची १ जानेवारी २०२० पासून पूर्वलक्ष्यी प्रभावाने अंमलबजावणी करण्याचा निर्णय राज्य शासनाने घेतला आहे. करोना साथरोगाच्या पाश्र्वभूमीवर घेतलेल्या या निर्णयाचे महाराष्ट्र राज्य राजपत्रित अधिकारी महासंघाचे संस्थापक नेते ग.दि. कु लथे यांनी स्वागत के ले आहे.  राज्य शासनाच्या सेवेतील फक्त गट क व ड संवर्गातील कर्मचाऱ्यांना अनुकं पा धोरण लागू होते. शासनातील गट अ व ब संवर्गातील अधिकाऱ्यांनाही हे धोरण लागू करावे, अशी महासंघाची अनेक वर्षांची मागणी होती. अखेर २६ ऑगस्टला राज्य मंत्रिमंडळाने तसा निर्णय घेतला. देशात व राज्यात मागील मार्चपासून करोना साथरोगाने हाहाकार उडविला आहे. या साथरोगाचा मुकाबला करताना शासकीय सेवेतील अनेक कर्मचारी व अधिकारी करोनाची लागण झाल्यामुले दगावले आहेत. त्यामुळे दुखाचा आणि आर्थिक संकटाचा सामना करावा लागलेल्या मृत अधिकाऱ्यांच्या कु टंबांना दिलासा देण्यासाठी अधिकाऱ्यांना लागू करण्यात आलेल्या अनुकं पा ध...

नोंदणीकृत विक्रेत्यांविनाच औषधांची विक्री मुंबई : राज्यात नोंदणीकृत औषध विक्रेत्यांच्या (फार्मासिस्ट) अनुपस्थित औषधांची विक्री होत असल्याचे अन्न व औषध प्रशासनाने १३ ते २० सप्टेंबर काळात राबविलेल्या धडक मोहिमेमध्ये आढळले आहे. या प्रकरणी दोषी आढळलेल्या २४६ दुकानांना औषधांची विक्री करण्यास बंदी घालण्यात आली आहे. अन्न व औषध प्रशासनाने राज्यातील ३४६० दुकानांची तपासणी या काळात केली. यात २७७ दुकानांमध्ये नोंदणीकृत औषध विक्रेते अनुपस्थित असल्याचे आढळले आहे. या विक्रेत्यांना प्रशासनाने कारणे दाखवा नोटीस बजावली असून परवाने रद्द करण्याची कारवाई करण्यात येणार आहे. यापैकी २४६ औषध विक्रेत्यांना औषधे विक्री बंद ठेवण्याचे आदेशही प्रशासनाने दिले आहेत. सर्वाधिक तपासण्या कोकण विभागात केल्या असून त्या खालोखाल पुणे आणि मुंबईत केल्या आहेत. तर परवाने रद्द होतील.. एखाद्या दुकानात काही कालावधीसाठी नोंदणीकृत औषध विक्रेता नसल्यास त्यांनी त्या कालावधीत औषधांची विक्री करू नये व दुकान बंद ठेवावे. यापुढे नोंदणीकृत औषधविक्रेत्याच्या गैरहजेरीत वर्गीकृत औषधांची विक्री केल्याचे आढळून आल्यास अशा औषध विक्रेत्यांचे परव...

राकेश वाधवान प्रकरणी न्यायालयाची विचारणा मुंबई : पंजाब अ‍ॅण्ड महाराष्ट्र बँकेतील आर्थिक गैरव्यवहर प्रकरणी अटकेत असलेले हाऊसिंग डेव्हल्पमेंट इन्फ्रास्ट्रक्चर लिमिटेडचे संस्थापक (एचडीआयएस) राकेश वाधवान यांना ‘पेसमेकर’ प्रत्यारोपणाची आवश्यकता असून सरकारी रुग्णालयात ही सुविधा उपलब्ध आहे का, अशी विचारणा उच्च न्यायालयाने राज्य सरकारकडे केली. ती नसल्यास वाधवान यांना खासगी रुग्णालयात स्वखर्चाने हे उपचार घेण्याची परवानी दिली जाईल, असेही न्यायालयाने यावेळी म्हटले. वाधवान गेल्या वर्षभरापासून केईएम रुग्णालयात दाखल आहेत. रुग्णालयातर्फे त्यांचा वैद्यकीय अहवाल न्यायालयात सादर करण्यात आला. तो पाहिल्यानंतर न्यायमूर्ती भारती डांगरे यांनी विचारणा केली. खासगी रुग्णालयातील डॉक्टरांनी वाधवान यांची वैद्यकीय तपासणी करण्याची परवानगीही न्यायालयाने नुकतीच दिली होती. केईएम रुग्णालयाने सादर केलेल्या वैद्यकीय अहवालानुसार, वाधवान यांना हृदयाच्या आजारासह अन्य आजार आहेत. ‘ड्युअल चेंबर पेसमेकर’ लावण्यासाठी वाधवन यांना ‘अँजिओप्लास्टी’ करणे आवश्यक आहे. परंतु या प्रत्यारोपणासाठी आवश्यक सुविधा केईएम रुग्णालयात उपलब्ध नस...

शालेय शिक्षण विभागाकडून अद्याप शाळांना सूचनाच नाही मुंबई : करोनाचा प्रादुर्भाव आणि त्याचे परिणाम याबाबत गेले संपूर्ण वर्ष बेसावध राहिलेला शालेय शिक्षण विभाग अजूनही सावध झाल्याचे दिसत नाही. परीक्षा रद्द करावी लागल्यास वर्षभर मूल्यमापन केलेले असावे यासाठी विभागाने केलेले नियोजन अद्याप कागदावरच असून पहिली घटकचाचणी घेण्याची वेळ टळून गेली तरी विभागाने शाळांना काहीही सूचना दिलेली नाही. यंदा दहावी, बारावीच्या परीक्षांबाबत निर्माण झालेल्या गोंधळाच्या पाश्र्वाभूमीवर नववी ते बारावीच्या विद्यार्थ्यांचे विविध परीक्षांच्या माध्यमातून वर्षभर मूल्यमापन करण्याची योजना शिक्षण विभागाने आखली. दोन घटक चाचण्या आणि सहामाही परीक्षा घेऊन अंतिम परीक्षा रद्द करण्याची वेळ आल्यास या परीक्षांच्या आधारे मूल्यमापन करण्यात यावे. विद्यार्थ्यांच्या परीक्षा कधी घ्याव्यात, कशा घ्याव्यात, किती गुणांच्या असाव्यात याबाबतची नियमावली शिक्षण विभाग निश्चित करणार होता. शाळांनीच या परीक्षा घेऊन विभागाने दिलेल्या कालावधीत, तयार करण्यात येणाऱ्या प्रणालीवर गुण नोंदवायचे. वर्षांअखेरीस गुण नोंदवण्याऐवजी प्रत्येक परीक्षेनंतर ठरावीक ...

६० जणांचे बोगस मतदान झाल्याचा आरोप मुंबई : अधिकृत प्रक्रियेचा अवलंब न होणे आणि ६० जणांचे बोगस मतदान झाल्याचा आरोप करत ‘मुंबई मराठी ग्रंथसंग्रहालया’च्या निवडणुकीतील ‘वाचक’ पॅनेलने निवडणूक प्रक्रियेला आव्हान देण्याचा निर्णय घेतला आहे. मंगळवारी याबाबतचे आक्षेप पॅनेलतर्फे  निवडणूक अधिकारी, प्रमुख कार्यवाह आणि धर्मादाय आयुक्तांकडे नोंदवण्यात येणार आहेत. प्रतिष्ठित असलेल्या मात्र गेल्या काही वर्षांत अनेक वादांनी ग्रासलेल्या ‘मुंबई मराठी ग्रंथसंग्रहालया’च्या २९ शाखांची निवडणूक रविवारी पार पडली. नायगाव शाखेत ‘वाचक’ पॅनेलचे सात आणि ‘प्रगती’  पॅनेलचे सात उमेदवार उभे होते. तसेच दोन उमेदवार स्वतंत्रपणे उभे होते. एकू ण ७१० मतदारांपैकी केवळ १७० मतदारांनी निवडणुकीत मतदान के ले. यात प्रगती पॅनेलच्या उमेदवारांना सर्वाधिक मते मिळाली; मात्र या निवडणुकीत अधिकृत प्रक्रियेचा अवलंब करण्यात आलेला नसून ६० जणांचे बोगस मतदान झाल्याचा आरोप होत आहे. वाचक पॅनेलच्या उमेदवार सुचिता मोरे यांच्या म्हणण्यानुसार,  मतदारांच्या यादीवर निवडणूक अधिकाऱ्यांची सही असणे अपेक्षित असताना तेथे अध्यक्षांची स्वाक्षर...

अनिल देशमुखांच्या स्वीय सचिवाचा न्यायालयात आरोप मुंबई : आर्थिक गैरव्यवहाराच्या आरोपाप्रकरणी अंमलबजावणी संचालनालयाकडून (ईडी) कारवाई करताना प्रकरणातील संशयित मंत्री आणि नोकरशहांमध्ये भेदभाव केला जात असल्याचा आरोप माजी गृहमंत्री अनिल देशमुख यांचे स्वीय सचिव संजीव पालांडे यांनी जामिनासाठी मागणी करताना केला आहे. पालांडे यांनी जामिनासाठी केलेल्या अर्जानुसार, त्यांच्या घरावर छापा टाकण्यात आला त्याच दिवशी त्यांच्यावर अटकेची कारवाई करण्यात आली. याउलट देशमुख यांना मात्र नोटिशीला उत्तर देण्यासाठी वेळ देण्यात आला. पालांडे यांना ही नोटीस देण्यात आली. मात्र त्यानंतर लगेचच त्यांना अटक करण्यात आली. सीबीआय वा ईडीने दाखल केलेल्या गुन्ह्य़ात पालांडे यांच्या नावाचा आरोपी म्हणून समावेश नसतानाही त्यांच्यावर ही कारवाई करण्यात आली.  बडतर्फ पोलीस अधिकारी सचिन वाझे आणि समाज सेवा शाखेचे सहाय्यक पोलीस आयुक्त सचिन पाटील यांनी दिलेला जबाब वगळता आपल्याला पैसे मिळाल्याचा एकही पुरावा नाही, असा दावाही पालांडे यांनी केला आहे. देशमुख आणि पालांडे दोघांच्याही घरी एकाच वेळी ईडीने छापा टाकला. त्यावेळी देशमुख यांचा जबाब...

मुंबई: आरोग्य विभागाच्या गट क आणि ड साठीच्या पदभरती परीक्षेसाठी डॅशबोर्ड तयार करून ओळखपत्र, परीक्षा केंद्र यांची माहिती वेळोवेळी अद्ययावत करण्याच्या सूचना आरोग्यमंत्री राजेश टोपे यांनी सोमवारी संबंधित कंपनीसोबत आयोजित केलेल्या बैठकीत दिल्या आहेत. हा डॅशबोर्ड १ ऑक्टोबरपासून कार्यान्वित होणार आहे. आरोग्य विभागाच्या गट क आणि ड साठीच्या ६ हजार २०५ जागांच्या भरतीसाठी शनिवारी आणि रविवारी आयोजित केलेली परीक्षा ऐनवेळी रद्द केल्यामुळे राज्यभरातून विद्यार्थ्यांंसह आरोग्य कर्मचाऱ्यांकडून संताप व्यक्त केला जात आहे. परीक्षा आयोजनासाठी निवड केलेल्या कंपनीला या प्रकरणी नोटीस बजावली असून त्यांचे  उत्तरही आले आहे. नियोजित वेळेमध्ये परीक्षेसाठी आवश्यक सुविधा उपलब्ध करू शकलो नाही यासाठी दिलगिरी व्यक्त करत असल्याचे यात कंपनीने म्हटले आहे. या त्रुटी दूर करण्यासाठी डॅशबोर्ड तयार करण्याच्या सूचना दिल्या असल्याचे आरोग्यमंत्र राजेश टोपे यांनी ‘लोकसत्ता’शी बोलताना सांगितले. डॅशबोर्डवर ताब्यात घेतलेली परीक्षा केंद्रे, परीक्षा केंद्राच्या पाहणीची स्थिती, विद्यार्थ्यांंचे ओळख पत्र याची तयारी कितपत झाली आहे य...

आरोग्यमंत्री राजेश टोपे यांची घोषणा मुंबई : आरोग्य विभागातील भरतीसाठी गट ‘क’साठीची परीक्षा २४ ऑक्टोबरला, तर गट ‘ड’ची परीक्षा ३१ ऑक्टोबरला होणार असल्याचे आरोग्यमंत्री राजेश टोपे यांनी सोमवारी जाहीर केले. या परीक्षा दोन दिवसांपूर्वी ऐनवेळी पुढे ढकलण्यात आल्याने उमेदवारांनी संताप व्यक्त केला होता. सुमारे आठ लाख उमेदवार या परीक्षांना बसणार असून, ती घेण्यासाठी नियुक्त करण्यात आलेल्या न्यासा या कंपनीने परीक्षा केंद्रांवर पुरेशी व्यवस्था केली नाही, काही उमेदवारांना प्रवेशपत्रे पोचली नाहीत, त्यात चुकाही झाल्या, त्यामुळे ही परीक्षा पुढे ढकलावी लागली होती, असे टोपे यांनी सांगितले. परीक्षेच्या नवीन तारखा निश्चित करण्यासंदर्भात आरोग्य विभागाची सोमवारी दुपारी बैठक झाली. त्यात परीक्षेच्या नवीन तारखा निश्चित करण्यात आल्या असून या दोन्ही दिवशी रविवार असल्याने शाळा उपलब्ध होतील, असे टोपे यांनी नमूद केले.  आरोग्य विभागाच्या गट क संवर्गातील २७३९ आणि गट ड संवर्गातील ३४६६ अशा एकूण ६२०५ पदांसाठी भरती प्रक्रिया राबविली जाणार आहे. यासाठी राज्यातील १५०० केंद्रावर एकाच वेळी परीक्षा घेतली जाणार आहे. आता...

भगतसिंह कोश्यारी यांचे वक्तव्य मुंबई: सिंधू नदी पाणीवाटपाच्या समस्येवरील दोन पुस्तकांच्या प्रकाशनाच्या निमित्ताने राज्यपाल भगतसिंह कोश्यारी यांनी मुंबईतील अरबी समुद्राच्या नामांतराचे सूतोवाच के ले. भौगोलिक परिस्थिती नेहमी बदलत असते, त्यामुळे सिंधू नदी पुनश्च भारताचा भाग असेल, असा आशावाद जागविताना मुंबईतील अरबी समुद्राला वास्तविक सिंधुसागर हेच नाव सार्थ आहे, असे प्रतिपादन त्यांनी के ले. राज्यपाल कोश्यारी यांच्या हस्ते राजभवनात अशोक मोटवानी व संत कुमार शर्मा लिखित ‘इंडस वॉटर्स स्टोरी’ आणि उत्तम सिन्हा लिखित ‘इंडस बेसिन इंटरप्टेड’ या दोन पुस्तकांचे येथे प्रकाशन करण्यात आले, त्या वेळी ते बोलत होते. सिंधू नदी हा केवळ भौगोलिक प्रश्न नसून भारताच्या दृष्टीने त्याला सांस्कृतिक, ऐतिहासिक व आध्यात्मिक परिमाण आहेत. सिंधू नदी पुनश्च भारताचा भाग बनेल, असा आशावाद व्यक्त करीत त्यांनी मुंबईतील अरबी समुद्राला सिंधुसागर हेच नाव योग्य असल्याचे प्रतिपादन के ले. भारत आणि पाकिस्तान या दोन देशांमधील अतिशय संवेदनशील असा पाणीवाटपाच्या प्रश्नाचा इतिहास, वर्तमान स्थिती, चिंता व भवितव्याचा वेध या बाबींचा या दोन्...

मुख्यमंत्री उद्धव ठाकरे यांची अपेक्षा मुंबई : महाराष्ट्रात आलेल्या प्रत्येक पर्यटकाला इतक्या दर्जेदार सुविधा उपलब्ध करून द्या की उद्या हेच पर्यटक जिथे जातील तिथे महाराष्ट्रासाठी सदिच्छादूत (ब्रॅण्ड अ‍ॅम्बेसेडर) म्हणून भूमिका बजावतील, अशी अपेक्षा मुख्यमंत्री उद्धव ठाकरे यांनी व्यक्त केली. ‘जागतिक पर्यटन दिना’निमित्त ‘सर्वांगीण विकासासाठी पर्यटन’ हा विषय घेऊन पर्यटन विभागातर्फे विशेष कार्यक्रमाचे आयोजन करण्यात आले होते, यावेळी ते बोलत होते.  देशातील एकूण लेण्यांपैकी महाराष्ट्रात सर्वाधिक अशी हजारो वर्षांंपूर्वीची जवळपास ८०० लेणी आहेत. या लेण्यांचे जतन व्हायलाच हवे. परंतु, आपण आजच्या युगातील लेणीही खोदली पाहिजे. थोडक्यात प्रत्येक काळाला सुसंगत अशी कला निर्मिली पाहिजे, असे मुख्यमंत्र्यांनी ‘बार्सिलोना’तील चर्चचा हवाला देत सांगितले. राज्यातील पर्यटन वाढीसाठी पर्यटन विभाग घेत असलेल्या प्रयत्नांचे कौतुक करत, विभागाच्या नवनिर्माणाच्या प्रयत्नांना पाठिंबा दिला पाहिजे, असे वक्तव्य त्यांनी केले. अनेक देशांची अर्थव्यवस्था पर्यटनावर चालते. भारतातही अशी अनेक राज्ये आहेत. या क्षेत्रात अमर्या...

चाळण झालेल्या रस्त्यांवर तात्पुरती मलमपट्टी; प्रत्येक विभागात दोन कोटी खर्च तरीही दुरवस्था मुंबई : दरवर्षीप्रमाणे यंदाही पावसाळा सरण्याची वेळ येऊन ठेपली असताना मुंबईतील रस्त्यांचे तीनतेरा वाजले आहेत. मुसळधार पाऊस आणि साचणाऱ्या पाण्यामुळे ठिकठिकाणच्या रस्त्यांची चाळण झाली असून खड्डे बुजविण्यासाठी केलेली दुरुस्ती तात्पुरती मलमपट्टी ठरू लागली आहे. परिणामी, पादचारी आणि वाहनचालकांना अतोनात त्रास सहन करावा लागत आहे. गेल्या सहा महिन्यांमध्ये तब्बल ३१ हजारांहून अधिक खड्डे बुजविल्याचा दावा पालिकेकडून करण्यात आला आहे. मात्र तरीही रस्त्यांच्या दुर्दशेत फारसा बदल झालेला नाही. आंतरराष्ट्रीय शहर अशी ख्याती असलेल्या मुंबईत दरवर्षी नागरिकांना खड्डय़ांचा सामना करावा लागतो. सर्वात श्रीमंत महानगरपालिका असे बिरुद मिरविणाऱ्या मुंबई महानगरपालिकेने चालू आर्थिक वर्षांच्या अर्थसंकल्पात रस्त्यांच्या सुधारणेसाठी १६०० कोटी रुपयांची तरतूद केली आहे. गेल्या काही वर्षांपासून पालिकेने मुंबईतील सर्व रस्त्यांचे काँक्रीटीकरण करण्याचे काम हाती घेतले आहे. टप्प्याटप्प्याने रस्त्यांचे काँक्रीटीकरण केले जात आहे. मात्र डांबर...

नव्या मोबाइल तिकीट अ‍ॅपमध्ये सुरक्षा प्रणाली; विशेष बस फेऱ्यांच्या संख्येतही वाढ मुंबई : बेस्ट उपक्रमाकडून आणल्या जाणाऱ्या नव्या मोबाइल तिकीट अ‍ॅपमध्ये महिला प्रवाशांच्याही सुरक्षेवरही भर देण्यात आला आहे. आपत्कालिन परिस्थितीत अ‍ॅपमधील बटण दाबताच त्याची माहिती बेस्टसह पोलीस नियंत्रण कक्षाला मिळून संबंधित महिला प्रवाशांना तात्काळ मदत मिळणे शक्य होणार आहे. मोबाइल अ‍ॅप तिकीट सेवा डिसेंबर २०२० पर्यंत आणण्याचे नियोजन आहे. याशिवाय बेस्ट बसमधून प्रवास करणाऱ्या महिला प्रवाशांचे प्रमाण पाहता येत्या काही महिन्यांत त्यांच्यासाठी बसगाडय़ा व फेऱ्यांची संख्याही वाढविण्यात येणार असल्याची माहिती बेस्ट उपक्रमाचे महाव्यस्थापक लोकेश चंद्र यांनी दिली. येत्या डिसेंबर २०२१ पर्यंत नवीन मोबाइल तिकीट अ‍ॅप सुविधा प्रवाशांसाठी आणण्याचे उद्दिष्ट आहे. या सुविधेत प्रवाशांना घरबसल्या तिकीट, पास काढता येईल व प्रवासाच्या वेळी ते वाहकाला दाखवावे लागेल. तिकीट, पास सुविधा देतानाच अ‍ॅपमध्ये महिला प्रवाशांच्या सुरक्षेवरही भर देण्यात आल्याची माहिती उपक्रमाचे महाव्यवस्थापक लोकेश चंद्र यांनी दिली. यात धोक्याचा इशारा देणारी य...

ठाणे ते दिवा पाचव्या-सहाव्या मार्गाची तांत्रिक कामे बाकी; लोकलच्या ८० ते ८५ फेऱ्या वाढण्यास मदत मुंबई : मेल, एक्स्प्रेस गाडय़ांसाठी स्वतंत्र मार्ग उपलब्ध करतानाच लोकलचे वेळापत्रक सुरळीत ठेवण्यासाठी ठाणे ते दिवा पाचव्या आणि सहाव्या मार्गाच्या कामाला एमआरव्हीसी (मुंबई रेल्वे विकास महामंडळ), मध्य रेल्वेकडून गती दिली जात आहे. रविवारी घेतलेल्या दहा तासांच्या मेगाब्लॉकमध्ये रूळ, ओव्हरहेड वायरसह अनेक तांत्रिक कामे करण्यात आली. यापुढेही विविध कामांसाठी जानेवारी २०२२ पर्यंत मोठे मेगाब्लॉक घेतले जाणार असल्याची माहिती मध्य रेल्वेतील एका वरिष्ठ अधिकाऱ्याने दिली. हा मार्ग २०२२ च्या पावसाळ्यापूर्वी प्रवाशांच्या सेवेत दाखल होईल. यामुळे टप्प्याटप्यात मध्य रेल्वेवरील सीएसएमटी ते ठाणे व त्यापुढील मार्गावर ८० ते ८५ लोकल फेऱ्या वाढण्यास मदत मिळणार आहे. आतापर्यंत कल्याण ते दिवा आणि ठाणे ते कुल्र्यापर्यंत पाचव्या आणि सहाव्या मार्गाचे काम पूर्ण झाले आहे. गेल्या दहा वर्षांत ठाणे ते दिवा पाचव्या आणि सहाव्या मार्गाच्या कामाला अनेक वेळा अंतिम मुदत देण्यात आली. विविध कारणांमुळे रखडलेल्या या कामावर करोना टाळेबंद...

महानगरपालिकेचा आराखडा तयार; हजार कोटींच्यावर खर्च मुंबई : पश्चिम उपनगरातील दहिसर व वालभट या दोन नद्यांच्या पुनरुज्जीवीकरणाचा प्रकल्प मुंबई महानगरपालिकेने हाती घेतला आहे. या दोन नद्यांच्या काठावर मलनिस्सारण प्रकल्प उभारण्याकरिता तब्बल हजार कोटींच्यावर खर्च अपेक्षित आहे. त्याकरिता मलनिस्सारण केंद्राचा आराखडा तयार करून केंद्र उभारणे व चालवणे याकामाकरिता कंत्राटदार नियुक्त करण्यात येणार आहे. दहिसर व वालभट नदीच्या काठावरील वसाहती, झोपडपट्टय़ा व सोसायटय़ांमधील मलमिश्रित सांडपाणी नदीत सोडण्यात येते, तसेच तबेल्यांमधील शेणमिश्रित पाणी या नदीत सोडले जाते. तसेच धोबीघाटातील पाणीही या नदीत सोडले जाते. नद्यांच्या पुनरुज्जीवीकरणासाठी पर्यावरण मंत्रालयाकडून तसेच महाराष्ट्र प्रदूषण नियंत्रण मंडळाकडून वारंवार विचारणा केली जाते. याप्रकरणी पालिकेला दंडही आकारला जातो. दिवसेंदिवस नदीचे होणारे बकाल रूप पाहून यापुढे पर्यावरणाचा ऱ्हास होऊ नये म्हणून नदीचे पुनरुज्जीवीकरण करण्यात येणार आहे. त्यासाठी सल्लागाराची नेमणूक करण्यात आली आहे. सल्लागारांनी दिलेल्या आराखडय़ानुसार नदीलगतच्या पोहोच रस्त्यावर मलनिस्सारण व...

आठवडय़ाची मुलाखत : लोकेश चंद्र महाव्यवस्थापक, बेस्ट गेली अनेक वर्षे मुंबई व आसपासच्या परिसरातील प्रवाशांसाठी अविरतपणे सुरू असलेली बेस्ट उपक्र माची परिवहन सेवा हळूहळू कात टाकत आहे. सध्या सामान्य बसबरोबरच जास्तीत जास्त वातानुकूलित बस सेवेत आणल्या जात असून सुकर प्रवासासाठी बसगाडय़ांची संख्या वाढवण्यावर भर दिला आहे. प्रदूषण टाळण्यासाठी विजेवरील बसचाही समावेश के ला आहे. एकीकडे बसगाडय़ांमध्ये वाढ होत असतानाच दुसरीकडे वीजग्राहकांना आकर्षित करण्यासाठी ऑनलाइन वीज देयक, बक्षीस योजना याबरोबरच जादा बिलातून सुटका करण्यासाठी प्रीपेड मीटर योजनाही पुढील वर्षी सुरू करण्यात येणार आहे. या सुविधा देताना बेस्ट उपक्रमासमोरील आव्हाने आणि त्यातूनही नव्याने सुरू होणाऱ्या योजनांविषयी बेस्ट उपक्रमाचे महाव्यवस्थापक लोके श चंद्र यांच्याशी के लेली बातचीत. गेल्या अनेक वर्षांपासून बेस्ट उपक्रमाचा परिवहन विभाग तोटय़ात असतानाही स्वमालकीबरोबरच भाडेतत्त्वावरील बसगाडय़ा घेतल्या जात आहेत. प्रवाशांसाठी या बस वाढवण्याचे नियोजन कसे आहे? बससेवा देताना प्रवाशांना त्याचा किती व कसा फायदा होईल आणि उपक्रमाला उत्पन्न कसे मिळेल...